Суд фінскага горада Хаміна (Hamina) вынес пастанову ў дачыненьні мясцовага жыхара, у адпаведнасьці зь якой мясцовы жыхар забавязаны будзе выплаціць больш за 3 тыс. эўра за забойства суседзкага сабакі.

Паводле матэрыялаў сьледзтва, вінаваты неанаразова скардзіўся ўладальніку і мясцовым уладам на сабачы брэх, але паколькі дзеяньні не прынесьлі мясцоваму жыхару чаканага спакою, ён вырашыўся на самасуд і застрэліў крыніцу свайго неспакою.

Справа разглядалася ў судзе больш за год. Уладальнік сабакі патрабаваў у якасьці пакрыцьця шкоды 25 тысячаў эўра, бо сабака быў пародзістым і вельмі каштоўным. Аднак суд палічыў, што для пакрыцьця стратаў дастаткова і 2,5 тысячаў эўра.

Акрамя таго, забойца сабакаў павінен будзе выплаціць штраф у памеры 980 эўра. У дадатак, мясцовы жыхар быў пазбаўлены зброі злачынства, т.б. стрэльбы, зь якой быў забіты сабака.