Upieršyniu ŭ Tureččynie kiroŭca za prajezd na zabaraniajučy syhnal śviatłaforu prysudžany da adnaho hodu pazbaŭleńnia voli.

Choć kiroŭca hruzavika parušyŭ praviły darožnaha ruchu hod tamu i piešachod, jakoha jon źbiŭ, atrymaŭ lohkija sadny, sud prysudziŭ Ahmeta Unlubaşa da hodu pazbaŭleńnia voli.

U adpaviednaści z novym kryminalnym kodeksam Tureččyny, jaki nabyŭ moc u 2005 hodzie, usie pakarańni ŭ vyhladzie pazbaŭleńnia voli terminam da dvuch hadoŭ zamianiajucca na ŭmoŭnaje pakarańnie albo na hrašovy štraf. Ale dziela papiaredžańnia žudasnaj statystyki što da darožna-transpartnych zdareńniaŭ (Tureččyna apiaredžvaje ŭsie eŭrapiejskija krainy pa kolkaści darožnych avaryjaŭ) sud vynies taki strohi vyrak.