Швэдзка-данскі канцэрн па вытворчасьці малака Arla ў адпаведнасьці з рашэньнем Стакгольмскага акруговага суду забавязаны выплаціць швэдзкай кампаніі Fermigel AB кампэнсацыю ў памеры 48 млн. каронаў (каля 5 мільёнаў эўра) за крадзеж рэцэпту.

Fermigel запатэнтавала выпуск сьмятаны бяз тлушчу, якую можна кіпяціць. Швэдзка-данкі канцэрн па вытворчасьці малака Arla пачаў выпуск гэтага ж прадукту яшчэ 6 гадоў таму.

Arla зьбіраецца апратэстоўваць рашэньне суду, адмаўляючы факт крадзяжу рэцэпту сьмятаны і сьцьвярджаючы, што спосаб вырабу прадукту ёсьць агульнавядомым.

У тым выпадку, калі скарга ня будзе задаволена, прызначаная кампэнсацыя будзе найвышэйшай з тых, што калі-кольвек прызначалася ў Швэцыі за ўсю гісторыю існаваньня Закону “Аб абароне сакрэтаў прадпрыемстваў”.