Хто ня ведае знакамітую Кітайскую сьцяну?! Але кожны турыст, наведваючы яе, жадае пакінуць што-небудзь напамяць. Звычайна застаюцца надпісы кшталту: “Тут быў Вася”. Улады Кітая вырашылі змагацца з такімі вандаламі. Дзеля абароны гістарычнай і культурніцкай кашоўнасьці ад аматараў памаляваць кітайцы пабудавалі яшчэ адну сьцяну.

На ўчастку Вялікай кітайскай сьцяны Цзюйюнгуань, што недалёка ад мястэчка Бадалін, была адмыслова пабудаваная сьцяна 80 мэтраў даўжынёю і 7,5 метраў вышынёю зь 9999 мармуравых цэглаў.

На тых жа, хто жадае пакінуць пра сябе надпіс на “новай” сьцяне ўлады вырашылі ўзьдзейнічаць эканамічным шляхам: ён павінен будзе заплаціць 999 юаняў (124 даляры).