Францускі ўрад прыняў рашэньне аб выключэньні жыхароў эўрапейскіх супольнасьцяў, якія “ўехалі на тэрыторыю Францыі ў пошуках працы”, са сьпісу асобаў, што карыстаюцца правам на “мінімальны атрыманы даход” (revenu minimum d'insertion),  на атрыманьне сусьветнай дапамогі па хваробе (couverture-maladie universelle) і сямейнай дапамогі. Адкрыцьцё рынку працы для выхадцаў з новых краінаў Эўрапейскага Зьвязу, ў прыватнасьці для румынаў і баўгараў, вымусіла ўрад прыняць рашэньне аб улучэньні такой нормы ў будучы законапраект. Яе мэтай зьяўляецца жаданьне “не дапусьціць злоўжываньняў”, якія б маглі зьдзейсьніць асобы, што прыехалі “ў Францыю дзеля карыстаньня мінімальнымі сацыяльнымі дапамогамі ці  дапамогамі па хваробе”.

11 студзеня Нікаля Сарказі заявіў, што румыны і баўгары, “якія ня маюць сродкаў, і якія такім чынам ёсьць цяжарам для нашай сыстэмы сацыяльнай дапамогі, ня маюць права пражываць у Францыі”. “Наша краіна ня мае магчымасьці быць сусьветным сацыяльным вакенцам”, - дадаў ён.

Датычна “мінімальнага атрыманага даходу”, францускі закон ад 23 студзеня 2006 г. ужо патрабуе ад выхадцаў зь іншых краінаў Эўрапейскага Зьвязу выкананьня некаторых умоваў для атрыманьня сацыяльнай дапамогі, ў прыватнасьці “неабходнасьці пражываньня на тэрыторыі Францыі ня меньш 3 месяцаў да моманту падачы просьбы аб выплочваньні ім сацыяльнай дапамогі”. Празь дзеяньне гэтай нормы францускі ўрад імкнецца перашкодзіць эўрапейскім беспрацоўным, што знаходзяцца ў пошуках працы  на працягу першых трох месяцаў, рабіць запыт на атрыманьне “мінімальнага атрыманага даходу”.

(Паводле «Le monde»)