8 лістапада Еўракамісія  прыняла статэгію развіцця палітыкі пашырэння ЕЗ, якая прадугледжвае заслухванне спецыяльных дакладаў па падрыхтаванасці ЕЗ да далейшай інтэграцыі. Каментуючы сённяшняе рашэнне Еўрапейскі Камісар па пашырэнні Оллі Рэн адзначыў: “Пашырэнне ёсць асноўным інструментам мяккага ўплыву ЕЗ па паступовым прасоўванні міра, дэмакратыі і дабрабыту ў Еўропе. Гэты праект патрабуе шырокай падтрымкі жыхароў Еўропы. Менавіта таму нам трэба стварыць новы падыход да пашырэння, які б прызнаваў стратэгічную неабходнасць гэтага працэса, дазваляючы Звязу функцыянаваць адэкватна.” 

На падставе памылак і здабыткаў мінулых этапаў пашырэння Камісія прапануе палепшыць якасць працэсаў далучэння праз шэраг канкрэтных захадаў:

• Магчымасць інтэгравання кожнай новай краіны будзе ацэньвацца на кожным этапе працэса пашырэння. Гэта ацэнка будзе тычыцца ўплыву далучэння на інстытуцыі ЭЗ, бюджэт і ўнутраную палітыку, асабліва, сельскагаспадарчую і структурную палітыку.
• Вынікі эканамічнага і палітычнага дыялогу будуць разглядацца на больш дыталёвых перамовах.
• Судовая рэформа, рэструктурызацыя адміністрацыйнага апарату, барацьба з карупцыяй і арганізаванай злачынасцю павінны стаць першапачатковымі элементамі працэса далучэння.

Кожнае важнае рашэнне з пытанняў далучэння мусіць праходзіць праз дэмакратычныя працэдуры. Еўракамісія прапануе таксама пашыраць распаўсюд інфармацыі аб магчымых далучэннях новых краінаў паміж грамадзянамі ЕЗ, а таксама весці больш шырокі грамадскі дыялог паміж старымі чальцамі і краінамі-прэтэндэнтамі праз набыццё падставовымі дакументамі працэса пашырэння статута публічных.