24 кастрыніка – Дзень народзінаў ААН.

24 кастрычніка ўвесь свет святкуе Дзень ААН. Менавіта ў гэты дзень 61 год таму набыў моц Статут Арганізацыі. З гэтай нагоды Генеральны сакратар ААН Кофі Анан адзначыў яе здабыткі ў барацьбе за развіццё, бяспеку і правы чалавека, а таксама некаторыя паразы ў сферы ядзернага нераспаўсюду, барацьбы з тэрарызмам і ліквідавання розніцы паміж беднымі і багатымі краінамі.

Арганізацыя Аб’яднаных Нацыяў была створана ў 1945 годзе. Яе статут быў падпісаны 16 чэрвеня 1945 года ў Сан-Францыска на заключным паседжанні Канферэнцыі Аб’яднаных Нацыяў. Ён набыў моц 24 кастрычніка таго ж года.

Генеральны сакратар адзначыў, што зараз у краінаў-чальцоў ААН няма згоды наконт таго, што лічыць найбольш сур’ёзнымі пагрозамі. Тыя, хто жыве на маленькіх выспах, лічаць, што найбольшай пагрозай ёсць глабальнае пацяпленне. Тыя, хто жыве ў гарадах, што падвяргаліся тэрарыстычным нападам, такія, як Н’ю-Йорк ці Стамбул, мяркуюць, што барацьба з тэрарызмам мае больш прыярытэтны стан. Іншыя кажуць пра галечу, хваробы і генацыд.

Сам ён мяркуе, што ісціна ў тым, што ўсе гэтыя праблемы ёсць глабальнымі пагрозамі і павінны выклікаць занепакоенасць ва ўсіх. Генеральны сакратар падкрэсліў, што зараз, як ніколі, свет не можа дазволіць сабе быть раз’яднаным.

         З гэтай нагоды Кофі Анан заклікаў краіны свету зрабіць ААН яшчэ больш моцнай і эфектыўнай.

          Нагадаем, што Беларусь – адная заснавальніцаў ААН (БССР і УССР мелі адметны статус на канферэнцыі ў Сан-Францыска разам з СССР).