Кіеўскі апэляцыйны суд ухваліў рашэньне аб скасаваньні Пастановы Ўрада аб абавязковым дубляваньні фільмаў на ўкраінскай мове. Пра гэта паведаміў чалец фракцыі «Наша Україна» Вячаслаў Кірыленка ў інтэрвію «ЛИГАБизнесИнформ».

Такое рашэньне суда ня ёсьць канчатковым – Урад можа яго абскардзіць у касацыйным парадку, калі палічыць гэтае неабходным. Сам спадар Кірыленка зазначыў, што Пастанова аб дубляжы фільмаў, якія выходзяць у пракат, зьяўляецца справядлівай, бо не забараняе выкарыстоўваць іншую мову ў кінапракаце – расейскую ці іншую, але дае магчымасьць украінскай мове таксама зьявіцца ў пракаце. А дадзенае рашэньне суду азначае фактычна вета на выкарыстаньня ўкраінскай мовы ў кінапракаце.

Нагадаем, што ўзгаданая Пастанова прадугледжвае паэтапнае абавязковае дубляваньне, агучваньне ці субтытраваньне дзяржаўнай мовай замежных фільмаў. Зь 1 верасьня 2006 года мусіла быць ня меней за 20 % ад агульнай колькасьці па кожным фільме; з 1 студзеня 2007 года – ня меней за 50%; і з 1 ліпеня 2007 года – ня меней за 70 %.