Улады Эстоніі дапрацоўваюць Закон аб алкаголі, у адпаведнасьці зь якім плянуецца ўвесьці забарону ня толькі на ўжываньне алкагольных напояў непаўнагадовымі, але й дотыку да іх.

У адпаведнасьці з дзейсным заканадаўствам непаўнагадовыя могуць быць пакараныя толькі за набыцьцё ды спажываньне алкагольных напояў. Але, як адзначае старэйшы камісар ахоўнай паліцыі Сійры Парц, такая фармуліроўка закону дазваляе непаўнагадовым валодаць алкаголем. У тым выпадку, калі непаўнагадовая асоба будзе затрымана з бутэлькай піва, то яна можа спаслацца на тое, што бутэлька ёй не належыць. У такой сытуацыі паліцыя вымушана адпусьціць непаўнагадовага, выняўшы пры гэтым у яго піва. Калі прапанаваныя зьмяненьні будуць унесены ў Закон аб алкаголі, то непаўнагадовым будзе забаронена датыкацца да алкаголю.