З мэтай забяспечання ўстойлівасці беларускага рубля, а таксама патрэбаў юрыдычных асобаў і індыівідуальных прадпрымальнікаў у замежнай валюце Прэзідэнт Беларусі 17 ліпеня падпісаў Указ № 452 “Аб абавязковым продажы замежнай валюты”.

Указ замацоўвае абавязковы продаж замежнай валюты па грашовых сродках у замежнай валюце, што паступаюць у якасці валютнай выручкі ад экспарту тавараў (работ, паслугаў) на рахункі юрыдычных асобаў і індывідуальных прадпрымальнікаў у банках Рэспублікі Беларусь і за яе межамі, а таксама па грашовых сродках у замежнай валюце, што паступаюць ад рэалізацыі фізічным асобам тавараў (работ, паслугаў).

Норма абавязковага продажу замежнай валюты захоўваецца ранейшай і складае 30 адсоткаў. Пры гэтым змены адбываюцца з парадкам усталявання абавязковага продажу замежнай валюты выключна з сумы валютнай выручкі, што паступае ад экспарту. Акрамя таго, зараз у якасці аб’екту продажу замежнай валюты будуць разглядацца толькі тыя грашовыя сродкі, што паступаюць на рахункі рэзідэнтаў Рэспублікі Беларусь.

У якасці санкцыі за несвоечасовы абавязковы продаж замежнай валюты артыкул 5 дакумента усталёўвае штраф у памеры да 1% ад непрададзенай валюты за кожны дзень пратэрміноўкі, але не вышэй за суму непрададзеных валютных сродкаў.