У мэтах забеспячэння захаванасці музейных прадметаў і музейных калекцыяў, іх агульнадаступнасці і павышэння эфектыўнасці выкарыстання , у тым ліку ў якасці аб’ ектаў міжнароднага культурнага абмену, 10 ліпеня 2006 года Прэзыдэнт Рэспублікі Беларусь падпісаў Указ № 435.

Указ уводзіць забарону на вываз за межы Рэспублікі Беларусь на пастаяннае захоўванне музейных прадметаў і (або) музейных калекцыяў, якія уключаныя ў Музейны фонд Рэспублікі Беларусь. Выключэннем з гэтага правілу ёсць выпадкі вывазу музейных каштоўнасцяў у адпаведнасці з набыўшай моц міжнароднай дамовай Рэспублікі Беларусь аб рэстытуцыі культурных каштоўнасцей згодна з рашэннем Рады Міністраў Рэспублікі Беларусь, якое прымаецца па кожным факце перамяшчэння культурных каштоўнасцей; а таксама музейныя прадметы і (або) музейныя калекцыі, уключаныя ў Музейны фонд Рэспублікі Беларусь (за выключэннем тых, што прызнаныя гісторыка-культурнымі каштоўнасцямі), абменьваюцца на іншыя музейныя прадметы , музейныя калекцыі або прадметы музейнага значэння, якія знаходзяцца ў замежных музеях. Абгрунтаваннем для абмену ёсць рашэнне Рады Міністраў Рэспублікі Беларусь, якое прымаецца па кожным факце перамяшчэння культурных каштоўнасцей пры наяўнасці пісьмовай дамоўленасці паміж музеямі і згодна з стараннем Міністэрства культуры Рэспублікі Беларусь аб раўназначнасці абмену.

Указ набывае моц з дня яго афіцыйнага апублікавання.