Дзеля паляпшэньня экалягічнай сытуацыі ды падвышэньня эфэктыўнасьці збору ды выкарыстаньня адходаў у якасьці другаснай сыравіны 10 ліпеня 2006 года Прэзыдэнтам Рэспублікі Беларусь быў падпісаны Ўказ № 437 “Аб некаторых захадах па ўдасканаленьні арганізацыі збору (нарыхтоўкі) і выкарыстаньня адходаў у якасьці другаснай сыравіны”.

У адпаведнасьці з Указам № 437 ствараецца дзяржаўны мэтавы бюджэтны фонд арганізацыі збору (нарыхтоўкі) ды выкарыстаньня адходаў у якасьці другаснай сыравіны. Распараджацца сродкамі дзяржаўнага бюджэтнага фонду будзе Міністэрства гандлю Рэспублікі Беларусь.

Прыняты нарматыўна-праўны акт прадугледжвае парадак фармаваньня ды выкарыстаньня сродкаў фонду, які мае паўстаць. Фонд фармаваццаме за кошт сплаты адпаведнага збору юрыдычнымі асобамі й індывідуальнымі прадпрымальнікамі, якія вырабляюць і(ці) імпартуюць тавары ў шкляной, папяровай ды кардоннай тары.

Сродкі фонду будуць накіроўвацца на разьвіцьцё сыстэмы збору ды перапрацоўкі адходаў, пакрыцьця выдаткаў, якія не кампэнсуюцца грашовымі сродкамі, атрыманымі ад рэалізацыі адходаў пакунку і г.д.

Падпісаны Ўказ вызначае таксама стаўкі, па якіх будуць абкладацца зборам на імпарт ці вытворчасьць шкляной, папяровай ды кардоннай тары. У выпадку, калі немагчыма вызначыць вагу тары, што ўвозіцца, ці яе закладавы кошт, стаўкі платаў разьлічваюцца на падставе кантрактнай цаны тавару, які запакаваны ў тару. Сума збору будзе ўлічвацца ў сабекошце прадукцыі.

Указ Прэзыдэнта Рэспублікі Беларусь ад 10 ліпеня 2006 года № 437 набывае моц зь 1 ліпеня 2006 года. Кантроль за выкананьнем Указу № 437 ускладваецца на Камітэт дзяржаўнага кантролю Рэспублікі Беларусь.