Пастановай Міністэрства па падатках ды зборах Рэспублікі Беларусь ад 6 чэрвеня 2006 года № 66 былі ўнесены зьмяненьні ды дапаўненьні ў Інструкцыю аб парадку вылічэньня ды сплаты экалягічнага падатку. Фактычна, гэтая Інструкцыя была выкладзена ў новай рэдакцыі.

У адпаведнасьці з прынятай Пастановай платнікі экалягічнага падатку да 16 жніўня 2006 года павінны прадставіць у інспэкцыі Міністэрства па падатках ды зборах па месцы пастаноўкі на ўлік і(ці) па месцы знаходжаньня аб’екту падаткаабкладаньня ўдакладненыя дадзеныя падатковай дэклярацыі (разьлікаў) за травень-чэрвень 2006 года. Акрамя таго, платнікі мусяць не пазьней за 18 жніўня 2006 года ажыцьцявіць даплату падаткаў ды збораў. Пры сплаце падаткаў ды збораў за травень-чэрвень 2006 года да 18 жніўня 2006 года ня будуць ужытыя эканамічныя санкцыі й пеня.

Памянёная Пастанова набывае моц з дню яе афіцыйнага апублікаваньня.