Законам Рэспублікі Беларусь ад 29 чэрвеня 2006 года № 136-З былі ўнесены зьмяненьні ды дапаўненьні ў некаторыя кодэксы Рэспублікі Беларусь. Гэтыя зьмяненьні датычацца рыэлтарскай дзейнасьці.

Дапаўненьні ўнесены ў арт. 733 Цывільнага кодэксу Рэспублікі Беларусь “дамова платнага аказаньня паслугаў”. У адпаведнасьці з унесенымі зьмяненьнямі правілы главы 39 Цывільнага кодэксу Рэспублікі Беларусь “платнае аказаньне паслугаў” будуць ужывацца й да дамоваў аб аказаньні рыэлтарскіх паслугаў.

Акрамя таго, у Кодэкс Рэспублікі Беларусь аб адміністрацыйных правапарушэньнях ад 21.04.2003 года, які яшчэ не набыў моцы, дададзены артыкул 12.36 “невыкананьне і (ці) неналежнае выкананьне правілаў ажыцьцяўленьня рыэлтарскай дзейнасьці”. Так, арт. 12.36 вызначаны наступны склад ды адказнасьць: невыкананьне і(ці) неналежнае выкананьне рыэлтарскай арганізацыяй ці яе службовымі асобамі правілаў ажыцьцяўленьня рыэлтарскай дзейнасьці прыцягвае накладаньне штрафу ў памеры ад 10 да 30 базавых велічыняў, а на юрыдычную асобу – ад 30 да 100 базавых велічыняў.