5 ліпеня 2006 года Дзяржаўная Дума Расейскай Фэдэрацыі прыняла ў трэцім чытаньні законапраект, якім рэгулююцца пытаньні падвоенага грамадзянства. Ён быў ухвалены аднагалосна (прагаласавалі 427 дэпутатаў пры неабходным кворуме ў 226 галасоў).

У адпаведнасьці з ухваленым законапраектам чальцом Рады Фэдэрацыі й дэпутатам Дзяржаўнай Думы Расеі ня можа быць расейскі грамадзянін, які мае таксама грамадзянства замежнай краіны. Атрыманьне грамадзянства замежнай дзяржавы ці згуба грамадзянства Расеі ёсьць падставай для датэрміновага спыненьня паўнамоцтваў дэпутата Дзяржаўнай Думы ды чальца Рады Фэдэрацыі.

Толькі расейскі грамадзянін можа быць Прэзыдэнтам Расеі ды ўзначальваць суб’ект Фэдэрацыі.

У адпаведнасьці з законапраектам забараняецца быць біпатрыдамі сакратару, сталым чальцам ды чальцам Рады бясьпекі, старшыню Разьліковай палаты, яго намесьнікам ды аўдытарам Разьліковай палаты.

Акрамя таго, законапраэкт замацаваў палажэньне аб тым, што памянёныя службовыя асобы ня могуць мець від на жыхарства ці іншыя дакумэнты, у адпаведнасьці зь якімі яны маюць права на пражываньне за мяжой.