Дзеля ўдасканаленьня рэгуляваньня падатковых стасункаў, забесьпячэньня правоў юрыдычных і фізычных асобаў і выкананьня імі сваіх абавязкаў, абароны інтарэсаў дзяржавы ў сфэры падаткаабкладаньня Прэзыдэнт Рэспублікі Беларусь падпісаў Указ № 419 ад 30 чэрвеня 2006 года “Аб дадатковых захадах у рэгуляваньні падатковых стасункаў”.

У Ўказе № 419 зьведзены палажэньні, што датычацца захадаў эканамічнай адказнасьці, якая ўжываецца падатковымі, мытнымі ворганамі, а таксама захады што да арышту маёмасьці дзеля забесьпячэньня паступленьня ў бюджэт сумаў эканамічных санкцыяў і адміністрацыйных спагнаньняў.

Указ № 419 ад 30 чэрвеня 2006 года вызначае канкрэтныя правапарушэньні і адказнасьць за іх. Акрамя таго, зафіксаваны канкрэтныя крытэры дапасаваньня эканамічных правапарушэньняў да малазначных дзеля ўжываньня зьмякчальных акалічнасьцяў, а таксама вызначаны ўскладняльныя акалічнасьці.

Памеры прадугледжаных Указам штрафаў за шэраг адміністрацыйных правапарушэньянў, якія былі ўчыненыя пэрсаналам юрыдычнай асобы і фізычнымі асобамі-платнікамі, таксама дыфэрэнцыяваныя ў залежнасьці ад часу пратэрміноўкі выкананьня забавязкаў.

Падпісаны Указа прадугледжвае захады, якія скіраваныя на замацаваньне дысцыпліны ў падатковых стасунках і адміністрацыйнай адказнасьці за намераную нясплату, няпоўную сплату падаткаў ды збораў, невыкананьне падатковым агентам забавязку па ўтрыманьні й пералічэньні ў бюджэт падаткаў ды збораў.

Вытворчасьць у вызначаных у указе № 419 па правапарушэньнях, у тым ліку й накладаньне спагнаньняў (ужываньне санкцыяў), будзе ажыцьцяўляцца ўпаўнаважанымі службовымі асобамі ворганаў: Камітэту дзяржаўнага кантролю Рэспублікі Беларусь – па ўсіх правапарушэньнях, прадугледжаных Указам № 419; мытнымі  й падатковымі ворганамі – ў залежнасьці ад наданых Указам № 419 паўнамоцтваў.

Акрамя таго, Указам ад 30 чэрвеня 2006 года № 419 вызначаны тэрміны, цягам якіх могуць накладацца спагнаньні за ўчыненыя правапарушэньні.

Указ набывае моц праз 10 дзён пасьля афіцыйнага апублікаваньня.

Да правапарушэньняў, якія былі ўчынены да набыцьця моцы Ўказам № 419 і за якія не былі ўжытыя эканамічныя санкцыі, будуць выкарыстоўвацца палажэньні Ўказу № 419, калі памянёныя правапарушэньні прадугледжаныя ва Ўказе Прэзыдэнта Рэспублікі Беларусь ад 7 траўня 2003 года № 185 “Аб некаторых пытаньнях ужываньня мытнымі ворганамі Рэспублікі Беларусь эканамічных санкцыяў, накладаньня імі арышту на маёмасьць і прызнаньні страціўшымі моц некаторых указаў ды палажэньняў указаў Прэзыдэнта Рэспублікі Беларусь” і ад 22 студзеня 2004 года № 36 “Аб дадатковых захадах у рэгуляваньні падатковых стасункаў.