Закон Рэспублікі Беларусь ад 19 чэрвеня 2006 году № 128-З ўнёс зьмяненьні ды дапаўненьні ў Закон Рэспублікі Беларусь “Аб плаце за зямлю”.

У адпаведнасьці з памянёным Законам ад 19 чэрвеня 2006 года № 128-З арт. 16 Закону Рэспублікі Беларусь “Аб плаце за зямлю” быў выкладзены ў новай рэдакцыі. Дадзены артыкул рэгулюе памер арэнднай платы за дзялянкі.

У прыватнасьці, вызначана, што за арандаваныя дзялянкі плата спаганяецца ў памеры, які вызначаны дамовай арэнды. Базавыя стаўкі штогадовага арандовага за дзялянкі, якія знаходзяцца ў дзяржаўнай уласнасьці, вызначаюцца мясцовымі выканаўчымі й распарадчымі ворганамі ў адпаведнасьці з кадастравым коштам гэтых дзялянак з выкарыстаньнем каэфіцыентаў, вызначаных Прэзыдэнтам Рэспублікі Беларусь у залежнасьці ад мэтавага прызначэньня дзялянак.

Пры заключэньні дамовы арэнды дзялянкі, якая знаходзіцца ў дзяржаўнай уласнасьці, мясцовыя выканаўчыя й распарадчыя ворганы маюць права на падвышэньне (паніжэньне) базавых стаўкаў штогадовага арандовага за дзялянкі, але ня больш чым удвая, у залежнасьці ад тэрміну арэнды, памеру дзялянкі, кошту паляпшэньняў, учыненых арандатарам дзялянкі і(ці) прадугледжаных дамовай арэнды, наяўнасьці абмежаваньняў (ускладненьняў) у карыстаньні памянёных дзялянак, сацыяльнай значнасьці дзейнасьці арандатараў для адміністрацыйна-тэрытарыяльных ды тэрытарыяльных адзінак, сэзонавасьці, часу (дзённае, начное) і віду дзейнасьці, якая ажыцьцяўляецца арандатарамі, а таксама крыніцаў яе фінансаваньня.

Дадзены артыкул у памеры вызначэньня арандовага за дзялянку быў прыведзены ў адпаведнасьць з Указам Прэзыдэнта Рэспублікі Беларусь № 74  ад 7 лютага 2006 году.

Закон Рэспублікі Беларусь ад 19 чэрвеня 2006 году № 128-З “Аб унясеньні зьмяненьняў ды дапаўненьняў у закон Рэспублікі Беларусь “Аб плаце за зямлю” набывае моц з дню яго афіцыйнага апублікаваньня.