Ад 27 чэрвеня 2006 года ў Латвіі пачалі дзейнічаць новыя правілы, якімі рэгулюецца паленьне.

У адпаведнасьці з новымі правіламі, уведзенымі Міністэрствам аховы здароўя краіны, у грамадзкіх месцах, а менавіта ў кавярнях, барах, рэстарацыях, казіно, можна будзе паліць толькі ў спэцыяльна адведзеных памяшканьнях, што будуць адмыслова прадугледжаны дзеля гэтага й якія мусяць мець спэцыяльную сыстэму вэнтыляцыі. Акрамя таго, месцы для паленьня будуць азначаныя спэцыяльным сымбалем.

Такія абмежаваньні ўводзяцца дзеля прывядзеньня нацыянальнага заканадаўства Латвіі ў адпаведнасьць з стандартамі Эўрапейскага Зьвязу.