Дзеля ўдасканаленьня праўнага рэгуляваньня стасункаў у сфэры навукі 19 чэрвеня 2006 года Прэзыдэнт Рэспублікі Беларусь падпісаў Указ № 402 “Аб некаторых захадах што да ўпарадкаваньня выкарыстаньня слова “акадэмія”, прысуджэньня навуковых ступеняў, наданьня навуковых ды акадэмічных навуковых званьняў”.

У адпаведнасьці з Указам № 402 права на выкарыстаньне слова “акадэмія” у сваіх найменьнях маюць наступныя арганізацыі:

• навуковыя арганізацыі й установы адукацыі, маёмасьць якіх знаходзіцца ў дзяржаўнай уласнасьці;
• арганізацыі, найменьня якіх уключаюць найменьня навуковыя арганізацыі й установы адукацыі, маёмасьць якіх знаходзіцца ў дзяржаўнай уласнасьці, і выкарыстоўваюць слова акадэмія ў сваіх назовах.

Арганізацыі, назва і(ці) статутныя дакумэнты якіх не адпавядаюць навэлам заканадаўства, мусяць на працягу трох месяцаў перарэгістравацца. Пры гэтым плата за такую перарэгістрацыю (толькі рэгістрацыйны збор) не спаганяецца. Дзейнасьць арганізацыяў, якія не прайшлі перарэгістрацыю, ёсьць незаконнай і забараняецца.

Функцыя наданьня акадэмічных званьняў  ёсьць выключнай функцыяй Нацыянальнай акадэміі навукаў Рэспублікі Беларусь. Прысуджэньне навуковых ступеняў і наданьне навуковых званьняў замацавана за Найвышэйшай атэстацыйнай камісіяй.

Кантроль за выкананьнем Указу № 402 ад 19 чэрвеня 2006 года ўскладваецца на Раду Міністраў Рэспублікі Беларусь. Указ № 402 набывае моц з дню яго афіцыйнага апублікаваньня.

Застаецца толькі задацца пытаньнем, наколькі правамоцным ёсьць ужываньне назову “Акадэмія навук” датычна станцыі мэтрапалітэну альбо “Акадэмічная кніга” стасоўна кнігарні?