24 чэрвеня 2006 года Прэзыдэнт Піліпінаў Глёрыя Макапагал Ароя падпісала закон, якім у краіне канчаткова адмяняецца сьмяротнае пакараньне.

Канстытуцыя Піліпінаў 1987 году адмяніла сьмяротнае пакараньне, але яно было ізноў уведзена ад 1993 году. Аднак, у 2000 годзе быў уведзены мараторый на сьмяротнае пакараньне. Таму прыняцьце гэтага закону ёсьць крокам да канчатковай адмены найвышэйшае меры пакараньня ў краіне.

Напачатку месяца адпаведныя законапраекты былі ўхваленыя большасьцю галасоў абедзьвюх палатаў Парлямэнту краіны. У ніжняй Палаце прадстаўнікоў за адмену сьмяротнага пакараньня прагаласавалі 119 дэпутатаў, а ў Сэнаце рашэньне было прынятае амаль аднагалосна.