14 чэрвеня 2006 года Рада Міністраў сваёй Пастановай № 748 зацьвердзіла Палажэньне аб парадку выдачы адзінага білету, умовах ды тэрмінах карыстаньня ім.

Зацьверджанае Палажэньне аб парадку выдачы адзінага білету, умовах ды тэрмінах карыстаньня ім вызначае парадак выдачы, умовы ды тэрмін карыстаньня адзіным білетам, якія выдаецца дзецям-сіротам, дзецям, якія засталіся без апекаваньня бацькоў; дзецям, якія знаходзяцца ў дзіцячых інтэрнатных установах, дзяржаўных спэцыялізаваных установах для непаўнагадовых, якім неабходна сацыяльная рэабілітацыя ды дапамога, дзіцячых дамох сямейнага тыпу, дзіцячых вёсках (гарадох), апякунскіх ці прыёмных сям’ях альбо дзецям, якія навучаюцца на падрыхтоўчых аддзяленьнях дзяржаўных установаў, што забясьпечваюць атрыманьне сярэдняй спэцыяльнай і вышэйшай адукацыі, ці ў дзяржаўных установах, якія забясьпечваюць атрыманьне прафэсійна-тэхнічнай, сярэдне-спэцыяльнай і вышэйшай адукацыі на дзённай форме навучаньня.

Кошт дармовага праезду памянёнай катэгорыі асобаў будзе пакрывацца Міністэрству транспарту ды камунікацыяў Рэспублікі Беларусь з сродкаў рэспубліканскага бюджэту. Такія сродкі будуць прапісвацца асобным артыкулам дзяржаўнага бюджэту ўжо пачынаючы з 2007 года.

Пастанова Рады Міністраў Рэспублікі Беларусь ад 14 чэрвеня 2006 года № 748 набывае моц праз 10 дзён пасьля афіцыйнага апублікаваньня.