Эўрапейскі суд па правох чалавека забязаў Украіну сплаціць жыхару Чырвонаармейска Данецкай вобласьці Зьмітру Нядбаеву 806 эўра за працяглае невыкананьне рашэньня ўкраінскага суду ў ягонай справе.

У 1997 годзе Спадар Нядбаеў падаў пазоў у гарадзкі суд Дзімітрава супраць Дзяржаўнага адкрытага акцыянэрнага таварыства “Вуглебуд” дзеля пакрыцьця запазычанасьці па заробку ды атрыманьня кампэнсацыі. Рашэньнем ад 20 чэрвеня 1997 года суд прысудзіў пазыўніку 8 тысячаў грыўняў. Але прысуджаная сума цалкам была сплочана толькі ў 2005 годзе.

Дзеля абароны сваіх парушаных правоў сп. Нядбаеў зьвярнуўся ў Эўрапейскі суд па правох чалавека. Суд у Страсбурзе разглядзеў скаргу Зьм. Нядбаева і прызнаў парушэньне правоў пазыўніка ды забязаў Украіну сплаціць яму 806 эўра за дапушчаныя парушэньні ў якасьці нематэрыяльнай шкоды.