Управа па электраэнэргіі Ізраілю пераглядае статут “Хэўрат Хашмаль” ды інструкцыі, якімі рэгулюецца яе дзейнасьць, на карысьць спажыўцоў.

У адпаведнасьці зь дзейным заканадаўствам статутам “Хэўрат Хашмаль” не прадугледжваецца аўтаматычнай сплаты кампэнсацыі спажыўцам за парушэньне сваіх забавязальніцтваў кампаніяй. Спажывец можа дабіцца аднаўленьня парушанага права праз зварот ў суд.

Згодна з новымі правіламі “Хэўрат Хашмаль” будзе забавязаная аўтаматычна, т.б. без судовага разьбіральніцтва сплаціць кампэнсацыі спажыўцам, перад якімі яна ня выканала сваіх забавязальніцтваў.

Кампэнсацыі будуць пералічвацца непасрэдна на рахунак спажыўца ці здымацца з рахунку за электраэнэргію ў залежнасьці ад выбару контрагенту. Нясплата кампэнсацыі ў вызначаны заканадаўствам тэрмін будзе карацца тымі ж санкцыямі, якімі караецца спажывец за невыкананьне сваіх забавязальніцтваў.

Штрафы на карысьць спажыўцоў плянуецца ўводзіць паступова. На першым этапе кампэнсацыі будуць спаганяцца за несвоечасовае аказаньне базавых паслугаў. Да базавых паслугаў, напрыклад, належыць адлучэньне да лініі электразабесьпячэньня, выпраўленьне электрасетак, рэагаваньне на скаргі спажыўцоў, выпраўленьне памылак у рахунках спажыўцоў.

На скаргі спажыўцоў “Хэўрат Хашмаль” забавязаны адказаць у пісьмовай форме на працягу трох тыдняў. У выпадку невыкананьня гэтага забявязку заканадаўства уводзіць пеню ў памеры 10% ад сярэдняга дзённага тарыфу на электраэнэргію за кожны дзень пратэрміноўкі.

Заканадаўца і найдалей плянуе павялічыць пералік паслугаў, за непрадстаўленьне ці несвоечасовае прадстаўленьне якіх будуць спаганяцца штрафы.

Акрамя таго, значным плюсам новых правілаў ёсьць іх распаўсюд і на прыватныя кампаніі, выхад на рынак якіх плянуецца ў выніку правядзеньня рэформы.