16 чэрвеня 2006 года дэпутаты Вярхоўнай Рады Ўкраіны зарэгістравалі законапраект “Аб унясеньні зьмяненьняў у Закон Украіны “Аб статусе народнага дэпутата Ўкраіны”, у адпаведнасьці зь якім плянуецца адмена шэрагу палёгкаў для народных выбраньнікаў.

Гэты законапраект прадугледжвае адмену наступных палёгкаў:

• права на атрыманьне народнымі дэпутатамі жытла для сталага пражываньня, ці грашовай кампэнсацыі на набыцьцё жытла. Разам з тым, дзеля сацыяльных гарантыяў правоў народных дэпутатаў за імі захоўваецца права на атрыманьне службовага жытла;
• права на дармовы праезд на ўсіх відах чыгуначных, аўтамабільных, паветраных, водных унутраных шляхоў камунікацыі і прыгарадных цягнікох;
• права на дармовую паркоўку аўтамабіля на ўсёй тэрыторыі Ўкраіны;
• права на дармовае атрыманьне санаторна-курортных пуцёвак;
• права на навучаньне ў навучальных установах за кошт бюджэтных сродкаў.

Як плянуюць ініцыятары законапраекту, распрацаваныя зьмяненьні будуць спрыяць ашчаджаньню бюджэтных сродкаў, якія скіраваныя на забесьпячэньне дзейнасьці Вярхоўнай Рады Ўкраіны.