У судох Вялікай Брытаніі дазволілі весьці камерцыйныя кіна- й відэаздымкі ў вольны ад паседжаньняў час. Дзеля здымкаў могуць выкарыстоўвацца практычна ўсе магістэрскія суды, суды графстваў, каралеўскія й найвышэйшыя суды Ангельшчыны й Валіі.

Зараз суды могуць на законных падставах выкарыстоўвацца як здымачныя пляцоўкі. Галоўным чынам такое выкарыстоўваньне магчыма будзе толькі ўвечары – ад 17 да 24 гадзіны – і ў выходныя дні. Пры гэтым неабходна памятаць, што здымка асобаў, якія прыцягнуты ў працэс, забаронена ў адпаведнасьці з брытанскім заканадаўствам.

Брытанскія суды гатовыя прадаставіць для здымак мэблю, стойкі для парыкоў і мантыяў, кніжныя тамы справаў за папярэднія дзесяцігодзьдзі.

Кошт аднаго дню здымкаў розьніцца ў залежнасьці ад суду. Так, у лёнданскіх судох устаноўлены кошт у памеры 2.500 фунтаў стэрлінгаў за 12-гадзінны здымачны дзень, у іншых судох – 1.500 фунтаў. Але прадастаўляюцца пэўныя зьніжкі для правядзеньня навучальных здымкаў. Так, вытворчасьць навучальных фільмаў будзе таньнейшай за камерцыйныя – ад 400 да 650 эўра ў залежнасьці ад памяшканьня. Акрамя таго, усе ахвочыя на правядзеньне здымкаў у судох павінны мець убесьпячэньне на суму да 10 мільёнаў фунтаў стэрлінгаў.