Прэм’ер-міністр Гішпаніі, выступаючы ў Парлямэнце краіны, заявіў, што кожны чалавек ва ўзросьце ад 18 да 30 гадоў, які бярэцца за вывучэньне замежнай мовы, можа разьлічваць на матэрыяльную дапамогу ад Ўраду краіны.

У адпаведнасьці з Гішпанскім заканадаўствам вывучэньне ангельскай мовы ў мясцовых школах ёсьць абавязковым. Але Ўрад незадаволены ўзроўнем веданьня замежных моваў. Акрамя таго, у адпаведнасьці з дасьледваньнямі Эўракамісіі толькі 20% гішпанцаў могуць больш-менш вольна размаўляць на замежнай мове. Таму, дзеля стымуляваньня вывучэньня замежных моваў Урад плянуе выплочваць такім студэнтам да тысячы эўра.