Прэзыдэнт Рэспублікі Беларусь 25 траўня 2006 года падпісаў Указ № 345 “Аб унясеньні зьмяненьняў ды дапаўненьняў у Ўказ Прэзыдэнта Рэспублікі Беларусь ад 5 траўня 2006 года № 289”.

У адпаведнасьці з Указам № 345 уносяцца зьмяненьні ў структуру Ўраду Рэспублікі Беларусь. Так, Кіраўнік Апарату Рады Міністраў Рэспублікі Беларусь надзяляецца статусам міністра. Гэтае дапаўненьне ўнесена з улікам таго, што ўласна на Апарат Ураду ускладваюцца функцыі па арганізацыі і кантролю выкананьня рашэньняў, якія прымае Рада Міністраў.

Акрамя таго, Указ удакладняе парадак прызначэньня кіраўнікоў дэпартаментаў, у сувязі з прызначэньнем такіх кіраўнікоў у сыстэме МУС ды Мінабароны Прэзыдэнтам, а ня Радай Міністраў Рэспублікі Беларусь па ўзгадненьні з Прэзыдэнтам.