Прэзыдэнт Рэспублікі Беларусь 22 траўня 2006 года падпісаў Дэкрэт № 7 “Аб унясеньні зьмяненьняў і дапаўненьняў у Палажэньне аб афіцыйным апублікаваньні і набыцьці моцы праўных актаў Рэспублікі Беларусь” і Указ № 333 “Аб унясеньні зьмяненьняў і дапаўненьняў ва Ўказ Прэзыдэнта Рэспублікі Беларусь ад 20 ліпеня 1998 года № 369”.

У адпаведнасьці з унесенымі зьмяненьнямі ў памянёныя нарматыўна-праўныя акты зь 1 кастрычніка 2006 году ўводзіцца абавязковая экспертыза праўных актаў мясцовых Радаў дэпутатаў, выканаўчых і распараджальных ворганаў базавага ўзроўню зь іх наступнай рэгістрацыяй у Нацыянальным рэестры праўных актаў Рэспублікі Беларусь.

Такі крок абумоўлены ў неабходнасьці найбольш поўнага забесьпячэньня належнага ўзроўню нарматворчай дзейнасьці ў краіне. Па-другое, такая сыстэма павінна паменшыць колькасьць зваротаў грамадзянаў з нагоды неправамернасьці прыняцьця на раённым узроўні рашэньняў, якія не адпавядаюць дзейнаму заканадаўству, парушаюць правы і законныя інтарэсы грамадзянаў.

Прадугледжаная Дэкрэтам № 7 ды Ўказам № 333 сыстэма захадаў будзе спрыяць упарадкаваньню нарматворнай дзейнасьці на мясцовым узроўні.