Прэзумпцыя невінаватасці ёсць фундаментальнае права чалавека. Яно замацавана ў Еўрапейскай Канвенцыі аб Ахове Правоў Чалавека і Фундаментальных Свабодаў, а таксама ў Хартыі Фундаментальных Свабодаў Еўрапейскага Звязу. Але ці ўсе маюць аднолькавае разуменне значэння прынцыпу “прэзумпцыі невінаватасці”? Менавіта з мэты уявіць, якім чынам інтэрпрэтуюць гэты прынцып краіны-удзельніцы ЕЗ, Камісія ЕЗ распачынае кансультаванні ў гэтай праблеме.

“Прэзумпцыя невінаватасці” па словах Віцэ-Прэзідэнта Камісіі Франка Фрацціні, які адказны за Свабоду, Бяспеку і Юстыцыю, ёсць фундаментальная еўрапейская каштоўнасць. Ахова правоў чалавека гэта важная частка ролі, якая належыць Еўрапейскаму Звязу, асабліва ў сферы свабоды, бяспекі і юстыцыі.

Кансультаванні, якія распачынае Камісія ЕС, будуць пaчaтковым пунктaм  разгляду дадзенай праблемы, а таксама створаць падставовы элемент разумення “прэзумпцыі невінаватасці” у межах Еўрапейскага Звязу і правоў, якія з яе вынікаюць.

На падставе Еўрапейскай Канвенцыі аб Ахове Правоў Чалавека і прэцэдэнтнага права Еўрапейскага Суду Справядлівасці Камісія вызначыла шэраг правоў, якія складаюць прэзумпцыю невінаватасці. Сярод іх, напрыклад, права захоўваць маўчанне, права не рабіць сведчанняў супраць сябе, а таксама тое, што цяжар доказу ёсць абавязак боку абвінавачання.

Гэты правы і абавязкі будуць разгледжаны ў часе кансультаванняў, і зацікаўленыя бакі маюць магчымасць зрабіць каментары і прапановы.