5 красавіка 2006 года Прэзыдэнт Рэспублікі Беларусь падпісаў Указ № 204 “Аб зацьверджаньні Палажэньня аб наданьні замежным грамадзянам і асобам без грамадзянства прытулку ў Рэспубліцы Беларусь, яго згубе і пазбаўленьні й іншых пытаньнях знаходжаньня ў Рэспубліцы Беларусь замежных грамадзянаў і асобаў без грамадзянства”.

Указ зацьверджае Палажэньне аб наданьні замежным грамадзянам і асобам без грамадзянства прытулку ў Рэспубліцы Беларусь, яго згубе і пазбаўленьні. Зацьверджаным палажэньнем вызначаюцца акалічнасьці, пры наяўнасьці якіх замежным грамадзянам і асобам без грамадзянства (далей – замежнікам) не надаецца прытулку. Так, прытулак не надаецца замежнікам, у адносінах да якіх ёсьць аб’ектыўныя акалічнасьці лічыць, што яны ўчынілі злачынства супраць міру, ваенныя злачынствы ці злачынствы супраць чалавецтва, цяжкія злачынствы непалітычнага характару па-за межамі тэрыторыі Рэспублікі Беларусь да прыбыцьця на яе тэрыторыю, вінаватыя ў дзеяньнях, што супярэчаць мэтам і прынцыпам Арганізацыі Аб'яднаных Нацыяў; замежнікам, якія маюць грамадзянства трэцяй дзяржавы, дзе яны не перасьледуюцца па палітычнай, рэлійнай і нацыянальнай прыналежнасьці і г.д.

З прыняцьцем Указу № 204 спрашчаецца працэдура атрыманьня прытулку на тэрыторыі Рэспублікі Беларусь. Так, неабходныя матэрыялы зараз будуць уносіцца ў камісію па пытаньнях грамадзянства пры Прэзыдэнце Рэспублікі Беларусь Міністэрствам унутранных справаў непасрэдна, а не праз Раду Міністраў Рэспублікі Беларусь. Дзякуючы непасрэднасьці агульны тэрмін разгляду пытаньня аб прадастаўленьні прытулку скарачаецца да трыццаці дзён.

У адпаведнасьці з новым палажэньнем замежныя грамадзяне, якія атрымалі прытулак у Рэспубліцы Беларусь, і чальцы іх сям’і карыстаюцца тымі ж правамі і свабодамі, нясуць тыя ж абавязкі, што і замежныя грамадзяне, якія стала пражываюць на тэрыторыі Рэспублікі Беларусь. Ім паводле ўстаноўленага парадку выдаецца дазвол на сталае пражываньне і від на жыхарства ў Рэспубліцы Беларусь.

Акрамя таго, уводзяцца інстытуцыі згубы і пазбаўленьня прытулку ў Рэспубліцы Беларусь, вызначаюцца падставы згубы і пазбаўленьня прытулку, а таксама мэханізм вырашэньня гэтых пытаньняў.

Згуба і пазбаўленьне замежнікаў прытулку на Беларусі ажыцьцяўляецца па рашэньні Прэзыдэнта Рэспублікі Беларусь.

Указ № 204 таксама карэктэруе паасобныя нарматыўна-праўныя акты, якія рэгулююць пытаньні абавязковага мэдычнага страхаваньня замежнікаў, што часова знаходзяцца на тэрыторыі Рэспублікі Беларусь, ажыцьцяўленьне дабраахвотнай і абавязковай дзяржаўнай дактыляскапічнай рэгістрацыі й папярэджаньня наступстваў гандлю людзьмі, а таксама рэжым знаходжаньня замежнікаў у Рэспубліцы Беларусь.

Указ № 204 ад 5 красавіка 2006 года набывае моц з моманту яго афіцыйнага апублікаваньня.