Дзеля стварэньня спрыяльных умоваў для арганізацыі новай вытворчасьці, тэхнічнага пераабсталяваньня і мадэрнізацыі дзейнай вытворчасьці ў Рэспубліцы Беларусь 4 красавіка 2006 года Прэзыдэнт Рэспублікі Беларусь падпісаў Указ № 189 “Аб стаўцы пошліны на тэхналягічнае абсталяваньне, якое ўвозіцца на мытную тэрыторыю Рэспублікі Беларусь”.

У адпаведнасьці з прынятым Указам тэрмінам на 9 месяцаў устанаўліваецца мытная стаўка ў памеры 0% для тавараў, якія адпавядаюць наступным патрабаваньням у сукупнасьці:

• тавары належаць да пераліку, што зацьверджаны гэтым жа Ўказам;
• тавары ўвозяцца на мытную тэрыторыю Рэспублікі Беларусь для асабістых патрэбаў асобы, якая ажыцьцяўляе такі ўвоз.

У выпадку нямэтавага выкарыстаньня пазначаных тавараў мыта будзе спаганяцца па стаўках, вызначаных заканадаўствам, без ужываньня стаўкі ўвознага мыта, які вызначаны Ўказам № 189 ад 4 красавіка 2006 года.

Кантроль за мэтавым выкарыстаньнем тавараў, што ўвозяцца, ускладваецца на Дзяржаўны мытны камітэт Рэспублікі Беларусь.

На Камітэт дзяржаўнага кантролю Рэспублікі Беларусь у адпаведнасьці з прынятым Указам ускладваецца абавязак па абагульненьні практыкі ўжываньня стаўкі ўвознага мыта, устаноўленага Ўказам № 189, і інфармаваньні Прэзыдэнта Рэспублікі Беларусь аб эфэктыўнасьці ўжываньня ўведзенай нулявой стаўкі па выніках 2006 году.

Указ № 189 набывае моц з дню яго афіцыйнага апублікаваньня.