Jak paviedamlaje Financial Times na padstavie daśledvańnia Eŭrapiejskaje fundacyi palapšeńnia ŭmovaŭ žyćcia i pracy, u Łatvii dy Švecyi 65% firmaŭ z kolkaściu persanału nia mienš za 10 čałaviek majuć hnutki grafik pracy.

U daśledvańni  ŭziali ŭdzieł 21 tysiača pracadaŭcaŭ u pryvatnym i hramadzkim sektarach z 21 krainy, što ŭvachodziać u Eŭraźviaz. Łatvija i Švecyja padzialili pieršaje miejsca. Nastupnymi jość Finlandyja (dzie 62% firmaŭ pracujuć zhodna z hnutkim grafikam), Vialikaja Brytanija (56%), Niamieččyna (51%), Francyja (48%), Hišpanija (43%) i Italija (40%).

Najmienš hnutki, pavodle daśledvańnia, rynak pracy – na Kipry, dzie kolkaść firmaŭ, što prapanujuć svaim rabotnikam hetki vid pracy, składaje usiaho 17%. Trochi bołš takich pracadaŭcaŭ ŭ Partuhalii (23%) i Hrecyi (29%).

Nieabchodna dadać, što pieravahami hnutkaha grafiku pracy jość źmianšeńnie vydatkaŭ na apłatu zvyšterminovaje pracy, adaptavańnie vytvorčaha pracesu da systemy zamovaŭ i padvyšeńnie zadavolenaści rabotnikaŭ svajoj pracaj.