Słavaččyna stałasia pieršaju krainaj, jakaja ratyfikavała Mižnarodnuju kanvencyju u baraćbie ź jadravym teraryzmam. Hetuju kanvencyju pryniała Gieneralnaja Asambleja AAN 13 krasavika 2005 hodu.

23 sakavika 2006 hodu pradstaŭniki Słavaččyny pieradali adpaviednuju ratyfikacyjnuju hramatu na zachavannie Henerałnamu sakrataru Arhanizacyi Abiadnanych Nacyjaŭ. Na hety čas svaje podpisy pad Kanvencyjaj pastavili pradsatŭniki ad 100 dziaržavaŭ śvietu. Dziela nabyćcia mocy, dakument vymahaje kołkaści ŭ 22 ratyfikacyi.

Dakument skiravany na razvićcio mižnarodnaje supracy ŭ sfery baraćby z teraryzmam dy raspaŭsidam zbroi masavaha źniščennia. Jahonaje padpisańnie jość istotnym krokam napierad najpierš u praŭnaj supracy što da baraćby z pahrozaj teraryzmu.

Kanvencyja vymahaje ekstradycyi i pierasłedu asobaŭ, jakija spryčynienyja da złačynstvaŭ. Dakument kanstatuje, što akty jadravaha teraryzmu mohuć mieć najsurioźniejšyja nastupstvy dy stacca pahrozaj dla miru i biaśpieki. Kanvencyja stvaraje padstavu da antyterarystyčnaje abarony mirnaha i vajennaha atamu, a taksama razbudoŭvaje mechanizm viartańnia skradzienych radyjoaktyŭnych materyjałaŭ, jadravych prystasovaŭ dy rečyvaŭ.