2 sakavika Sejm Łatvii ŭ čarhovy raz adchiliŭ prapanovy ab papraŭkach da zakonu ab śviatočnych, pomnych dy adznačajemych dniach. Takim čynam, 8 sakavika, mižnarodny žanočy dzień, zastaniecca ŭ Łatvii pa-za miežami pieraliku aficyjnych vychodnych.

Adpaviednyja papraŭki nakont abviaščeńnia 8. sakavika śviatočnym dniom skiroŭvajucca na razhlad parlamentu krainy ŭžo 10 hadoŭ zapar, ale štoraz adchilajucca. Hetym razam za toje, kab papraŭki, jakija padrychtavała Sacyjalistyčnaja partyja Łatvii, byli pieradadzienyja na razhlad kamisyjaŭ, prahałasavali 36 deputataŭ, suprać – 23, a jašče 22 ustrymalisia. Adnak, hetaje kolkaści nie chapiła dla pryniaćcia stanoŭčaha rašeńnia.

Varta, adnak, zhadać, što ŭ Łatvii štohod u druhuju travieńskuju niadzielu adznačajecca dzień maci, jaki aficyjna pryznany śviatam ad 1992 hodu. Sutnaść hetaha śviata ŭ tym, kab padkreślić, što mienavita maci jość apiryščam dla tryvałaje radziny.