Праграма Мюнхэнскага летняга ўнівэрсытэцкага шкаленьня ў галіне эўрапейскага і нямецкага права (MUST), якое мае адбыцца 3-28 ліпеня 2006, забясьпечвае грунтоўныя ўводзіны ў праблематыку нямецкага й эўрапейскага права.

Спэцыяльны акцэнт робіцца на дысцыплінах, асабліва цікавых для замежных юрыстаў-гаспадарнікаў, напрыклад, на праве каштоўных папераў, праве юрыдычных асобаў, праве ўласнасьці, антыманамольным заканадаўстве, падаткаабкладаньні і г.д.

Бальшыня курсаў чытаюцца прафэсарскім складам Мюнхэнскага ўнівэрсытэту (уваходзіць у 20-ку найпрэстыжнейшых унівэрсытэтаў Эўропы). Колькасьць удзельнікаў – строга абмежаваная, што забясьпечвае адбор лепшых студэнтаў, асьпірантаў й маладых праўнікаў з усяго сьвету. Усе заняткі ладзяцца па-ангельску. Для ахвотных існуе мажлівасьць дадаткова вывучаць нямецкую мову (як правіла, прадугледжваюцца 3 розныя ўзроўні валоданьня).

Праграма платная, але прадугледжвае пэўную колькасьць стыпэндыяў, якія мусяць пакрываць ўсе альбо большую частку выдаткаў. З улікам канкрэтных фінансавых акалічнасьцяў, студэнт можа разьлічваць на атрыманьне ў дадатак да стыпэндыі прыкладна € 200 на дарожныя выдаткі. Стыпэндыі вылучаюцца юрыдычным факультэтам у супрацы з праграмай DAAD на падставе аплікацыйных матэрыялаў, якія падаюцца кандыдатамі да ўдзелу.

Апошняя дата падачы заяваў на ўдзел: 28 лютага, 2006 г.

Падрабязнасьці й матэрыялы тут: http://www.iucm.de/dt/index.htm