У мэтах развіцьця дзьвюхбаковае супрацы Беларусі і Сырыі у Міністэрстве юстыцыі Беларусі ў пэрыяд ад 12 да 16 сьнежня 2005 года адбыліся перамовы што да праекту Дамовы паміж Беларусяй і Сырыяй аб праўнай дапамозе ў цывільных і крымінальных справах.

Дамова аб праўнай дапамозе ў цывільных і крымінальных справах накіраваная на стварэньне праўнай падставы рэгуляваньня ўзаемадачыненьняў паміж грамадзянамі Беларусі і грамадзянамі Сырыі, абарону іх  маёмасных правоў і інтарэсаў на тэрыторыі абедзьвюх краін.

Палажэньні праекту Дамовы ня толькі надзяляюць грамадзянаў і юрыдычных асобаў правам свабодна зьвяртацца ва ўстановы юстыцыі абедзьвюх дзяржаваў, але і прадугледжваюць прызнаньне і выкананьне судовых рашэньняў у цывільных справах,  а таксама ў крымінальных справах у частцы цывільнага пазову. Акрамя таго, Дамова прадугледжвае супрацу бакоў што да крымінальных справаў шляхам крымінальнага перасьледу, выдачы асобаў для прыцягненьня іх да крымінальнай адказнасьці ці выкананьня выраку, перадачы асуджаных для далейшага выкананьня выраку дзяржаве, грамадзянамі якое яны зьяўляюцца.