Ad 11 hadzinaŭ siarednie-eŭrapiejskaha času 7 śniežnia raspačałasia rehistracyja internetavych damennych imionaŭ z pašyreńniem .eu.

Rehistracyjaj zajmajecca arhanizacyja EURid (European Registry of Internet Domain Names), zasnavanaja ŭ Belhii i abranaja Eŭrapiejskaj Kamisyjaj dla kiravańnia novym damenam vyšejšaha ŭzroŭniu .eu.

Damenyja imiony z hetkim pašyreńniem mohuć zarehistravać hramadzianie, adnak na pačatkovym etapie pieršanstva majuć publičnyja instytucyi, a taksama pradprymalniki. Ciaham čatyroch miesiacaŭ  da až 6 krasavika 2006 hodu buduć pryjmacca zajaŭki vyłučna ad hetych dźviuch katehoryjaŭ.  Hetki zachad pryniaty z metaj pazbavicca ad hetak zvanych cybersqvatteraŭ, jakija rehistrujuć na siabie internet-adresy, vykarystoŭvajucy nazvy i handlovyja marki, uładalnikami jakich jany nie źjaŭlajucca Staracca ab damenna imia z pašyreńniem .eu mohuć tolki kampanii, što znachodziacca albo majuć pradstaŭnictva na terytoryi EŹ.

Paśla 6 krasavika padać zajavu na sufiks .eu moža lubaja asoba. Kali ciaham hetaha času publičnaja instytucyja albo firma nie zarehistruje imia ŭ damenie .eu, pačnie dziejničać praviła, zhodna ź jakim prava na jaho atrymlivaje toj, chto byŭ pieršym.

Padčas rehistracyi publičnyja arhanizacyi mohuć padavać starańni ab rehistracyi damennych imionaŭ z ułasnymi nazvami. U vypadku haradzkich administracyjaŭ heta moža być nazva miesta. Pradprymalniki ŭ zajaŭcy pavinnyja zaśviedčyć, što majuć prava na adpaviednuju handlovuju marku albo nazvu firmy.

Ciažka, adnak, čakać, što kampanii, čyj brand źviazany z damenami .com, .org, albo .biz pieraklučacca na novy damen vyšejšaha ŭzroŭniu.