Зь 1 сьнежня 2005 года набыло моц распараджэньне міністра ўнутраных справаў Рэспублікі Польшча што да ўезду на тэрыторыю краіны замежнікаў.

У адпаведнасьці з распараджэньнем кожны замежны грамадзянін старэйшы за 16 гадоў, які ўяжджае на тэрыторыю краіны, павінен мець пры сабе грашовыя сродкі ў разьліку 100 злотых на кожны дзень знаходжаньня на тэрыторыі Польшчы, але ня менш за 500 злотых альбо эквівалентную суму ў іншай валюце, а таксама мэдычную страхоўку, якая забясьпечвае пакрыцьцё расходаў на лекаваньне.