Пастановай Міністэрства аховы здароўя Рэспублікі Беларусь ад 2 лістапада 2005 года № 44 былі зацьверджаныя фактычна дзьве Інструкцыі: Інструкцыя аб парадку інфармаваньня насельніцтва аб аказаньні мэдычнай дапамогі ў арганізацыях аховы здароўя і Інструкцыя аб парадку накіраваньня хворых на дасьледваньне і лекаваньне ў арганізацыі аховы здароўя.

Мэтай Інструкцыі аб парадку інфармаваньня насельніцтва аб аказаньні мэдычнай дапамогі ў арганізацыях аховы здароўя зьяўляецца паляпшэньне даступнасьці й якасьці аказаньня мэдычнай дапамогі насельніцтву ў арганізацыях аховы здароўя, якія аказваюць першасную мэдыка-санітарную дапамогу і спэцыялізаваную мэдычную дапамогу.

Інфармаваньне насельніцтва аб аказаньні мэдычнай дапамогі арганізуецца праз:

1)                  разьмяшчэньне стэндаў зь інфармацыяй у дасягальнай форме;

2)                  разьмяшчэньне кнігаў заўвагаў і прапановаў;

3)                  разьмяшчэньне скрыні для ананімных паведамленьняў і прапановаў;

4)                  арганізацыю гарачай лініі і тэлефону даверу;

5)                  анкетаваньне насельніцтва;

6)                  сустрэчы з насельніцтвам;

7)                  выступленьні на радыё, тэлебачаньні;

8)                  сродкі масавай інфармацыі.