За звышнарматыўныя запасы сьвініны Латвія можа сплаціць штраф у памеры 7 млн эўра. Перамовы за звышнарматыўны аб’ём цукру з прадстаўнікамі Эўрапейскага Зьвязу ўжо скончаны, і канчатковая сума штрафу складае 3,5 млн эўра. Акрамя штрафу за цукар, Латвіі таксама пагражае штраф за лішкі запасаў мяса птушкі, чоснаку і замарожанага вінаграднага соку. Але перамовы па памянёных відах прадуктаў харчаваньня яшчэ працягваюцца.

Санкцыі ў адносінах Латвіі за звышнарматыўныя запасы прадуктаў харчаваньня, якія былі створаныя перад уступленьнем краіны ў Эўрапейскі Зьвяз, могуць скласьці 10-20 млн эўра (у гэтую суму не ўключаны штраф за цукар). У адпаведнасьці з атрыманым ад Эўракамісіі заключэньнем аб звышнарматыўных запасах прадуктаў харчаваньня ў новых краінах-удзельніцах Эўрапэйскага Зьвязу, Латвія мае лішкі 19 відаў прадуктаў харчаваньня.