EUR/USD. Агульная тэндэнцыя для эўра сыходная. Цана ў доўгатэрміновым маштабе на месячным графіку рухаецца ўніз, адштурхнуўшыся ад 23.6%-га ўзроўня Фібаначы 1.2402. У сярэднетэрміновым маштабе цана накіраваная таксама ўніз і рухаецца ў сыходным канале, абмежаваным узроўнямі 1.1230 і 1.2399. Экспанэнцыйныя сьлізгальныя сярэднія з пэрыядымі 8 і 9 упэўнена паказваюць сярэднетэрміновае панаваньне вядзьмежых настрояў. Стахастыка з пэрыядам 4 і запавольваньнем 5 уваходзіць у зону перапрададзенасьці, што сьведчыць аб працягу дамінаваньня мядзьвежага трэнду, аднак, невялічкі адкат ўсё ж магчымы ў пэрспэктыве, калі індыкатар выйдзе з зоны перапрададзенасьці. Пакуль прыкметаў спыненьня гэтага дамінаваньня ня бачна.

У кароткатэрміновым маштабе трэнд мядзьвежы, слаба накіраваны. Цана рухаецца ў сыходным канале, абмежаваным узроўнямі 1.2079 і 1.1855. У рамах каналу цана накіраваная ўніз. Прагноз для трэйдэраў – магчымыя мэты цаны знаходзяцца ў раёне 1.1630 і 1.0000. Магчымы ўзровень стопаў для “мядзьведзяў” – ледзь вышэй за 1.2654.

GBP/USD. Цана рухаецца ўніз, на месячным графіку адштурхнуўшыся зь нязначнай хібнасьцю ад 23.6%-га ўзроўня Фібаначы 1.8191. Аднак на тыднёвым графіку бачна, што курс прыпыніўся блізу 38.2%-га ўзроўню Фібаначы 1.7339. Прагназаваць, колькі працягнецца тэставаньне гэтага ўзроўню, немагчыма.

Экспанэнцыйныя сьлізгальныя сярэднія з пэрыядамі 24 і 29 паказваюць працяг дамінаваньня мядзьвежага трэнду. Стахастыка з пэрыядам 18 і запавольваньнем 20 паказвае ўгору і набліжаецца да сярэдняй лініі. Індыкатар Mesa SineWave дэманструе мядзьвежую тэндэнцыю. Мядзьвежыя тэндэнцыі дамінуюць.

У кароткатэрміновым маштабе тэндэнцыя хутчэй нэўтральная. Такім чынам, трэйдэрам лепш не ўваходзіць у рынак, чакаючы прабіцьця ўзроўню 1.7339. Пасьля гэтага мэтамі курсу могуць быць 1.6666 і 1.5977.

USD/CHF. Цана рухаецца ва ўсходным канале, абмежаваным узроўнямі 1.2853 і 1.4255, тэстуючы 100%-ы ўзровень Фібаначы 1.3087. Экспанэнцыйныя сьлізгальныя сярэднія з пэрыядамі 2 і 5 дэманструюць узмацненьне панаваньня быкоў. Стахастыка з пэрыядам 11 і 3 рухаецца ўніз, выходзячы з зоны перапрададзенасьці. Індыкатар MesaSine Wave дэманструе бычую тэндэнцыю.

Магчымыя мэты цаны знаходзяцца ў раёне 1.4196 і 1.4255. Узровень стопаў для быкоў – трохі ніжэй за 1.2853.

USD/JPY. Курс працягвае рух угару. Курс рухаецца ва ўсходным канале, абмежаваным узроўнямі 110.38 і 117.09. У рамках каналу цана накіраваная ўгару. Цана прабіла 100%-ы ўзровень Фібаначы 113.84. Наступная мэта – 121.30. Тэхнічныя індыкатары пацьвярджаюць бычы трэнд. Аднак рух стахастыкі паказвае, што цана ўжо знаходзіцца ў стане перакупленасьці, з-за чаго магчымы адкат. Пакуль трэйдэрам адкрываць пазыцыі непажадана.