29 верасьня 2005 года Прэзыдэнт Рэспублікі Беларусь падпісаў Указ № 460 “Аб некаторых пытаньнях спагнаньня зясельнага падатку”.
Дзеля забесьпячэньня роўных умоваў выплаты зямельнага падатку грамадзянамі прадугледжваецца спагнаньне зямельнага падатку на дзялянкі, якія прадастаўлены арганізацыям для абслугоўваньня жыльлёвых дамоў, а таксама садовым, садова-агародніцкім таварыствам (каапэратывам), гаражна-будаўнічым, гаражным каапэратывам у стаўках, якія ўстаноўлены для фізычных асобаў. Вылічэньне памеру зямельнага падатку будзе ажыцьцяўляцца ў адпаведнасьці з Законам Рэспублікі Беларусь “Аб плацяжах за зямлю”.
Указ таксама прадугледжвае, што зямельным падаткам не абкладаюцца дзялянкі, якія занятыя землямі агульнага карыстаньня садовых, садова-агародніцкіх таварыстваў (каапэратываў).
Указ № 460 мае зваротную сілу: ён распаўсюджвае сваё дзеяньне ня толькі на стасункі па налічэньні і выплаце зямельнага падатку, якія ўзьніклі ці будуць узьнікаць пасьля набыцьця Ўказам моцы, але і на стасункі, якія ўзьніклі ад 1 студзеня 2005 года.
