23 верасьня 2005 года была прынятая Пастанова Рады Міністраў Рэспублікі Беларусь № 1062 “Аб унясеньні зьмяненьняў і дадаткаў у Пастанову рады Міністраў Рэспублікі Беларусь ад 27 жніўня 1999 года № 1340”. Зьмяненьні і дадаткі былі ўнесеныя ў парадак вырашэньня калектыўных працоўных спрэчкаў Рэспубліканскім працоўным арбітражам.

Прынятая Пастанова ўдакладняе, што інтарэсы бакоў спрэчкі і трэціх асобаў у арбітражым працэсе прадстаўляюцца іх прадстаўнікамі, якія павінны прад’явіць дакумэнты, якія пацьвярджаюць іх паўнамоцтвы на ўдзел у вырашэньні спрэчкі. У выпадку, калі ўзьнікае неабходнасьць у растлумачэньні ўзьніклых пры разглядзе спрэчкі пытаньняў, што патрабуючць спэцыяльных ведаў, Арбітраж мае права прыняць рашэньне аб прызначэньні экспэртызы.

Цікавым палажэньнем зьяўляецца ўстанаўленьне тэрміну разгляду спрэчкі. Арбітраж разглядае спрэчку і выносіць рашэньне па ёй у арбітражным паседжаньні не пазьней за двухтыднёвы тэрмін зь дню атрыманьня заявы бакоў (бока) спрэчкі. Тэрмін рагляду спрэчкі можа быць падоўжаны Старшынём Арбітражу ў залежнасьці ад складанасьці спрэчкі за стараньнем старшыні арбітражнага паседжаньня. Але заканадаўствам устаноўлены максымальна магчымы тэрмін падаўжэньня – ня больш за адзін месяц. То бок максымальна магчымы тэрмін разгляду складаных спрэчак ня можа быць большым за паўтары месяцы.