Пастановай Рады Міністраў Рэспублікі Беларусь ад 23 верасьня 2005 года № 1059 былі ўнесеныя дадаткі ў Прыкладны статут спэцыялізаванай установы для непаўналетніх, якім неабходна сацыяльнай дапамога і рэабілітацыя.

Пастановай устаноўлена, што спэцыялізаваныя ўстановы ў адпаведнасьці зь іх статутамі прадастаўляюць часовыя мейсцы знаходжаньня, у тым ліку спальныя мейсцы і харчаваньне, ахвярам гандлю людзьмі ва ўзросьце ад трох да пятнаццаці гадоў – на тэрмін да шасьцёх месяцаў у дзіцячых сацыяльных прыютах.

Акрамя таго, асобы, якія былі пабаўленыя бацькаўскіх правоў, у якіх дзеці былі адабранымі без пазбаўленьня бацькоўскіх правоў, якія знаходзяцца ў пошуку, лекава-працоўных прафілякторыях ці мейсцах утрыманьня пад вартай ці адбываюць пакараньне ў выглядзе пазбаўленьня волі, абмежаваньня волі, арышту, павінны пакрыць у поўным аб’ёме расходы, якія дзяржава выдаткавала на ўтрыманьне дзяцей за ўвесь пэрыяд знаходжаньня на дзяржаўным забесьпячэньні ў спэцыялізаванай установе.