Kiraŭniki dziaržavaŭ i ŭradaŭ krainaŭ Eŭraźviazu padpisali prajekt Kanstytucyi EŹ 29 kastryčnika 2004 roku ŭ Rymie.Prajekt kanstytucyji, skiravany na toje, kab nadać Eŭraźviazu bolšyja pravy na mižnarodnaj arenie j paskoryć praces pryniaćcia rašeńniaŭ u miežach Eŭraźviazu, staŭsia vynikam 28 miesiacaŭ napružanych pieramovaŭ pamiž 25 krainami EŹ. Jašče ŭ śniežni 2000, kali była padpisanaja Nicckaja damova, kiraŭniki krainaŭ Eŭraźviazu pryniali deklaracyju, dzie zaklikali da bolš šyrokich dy intensyŭnych debataŭ nakont budučyni Eŭrapiejskaha Źviazu, jakija zavieršacca mižuradavaj kanferencyjaj. Praz rok u śniežni 2001 u Laekenie kiraŭniki krainaŭ EŹ uchvalili bolš detalovyja pałažeńni nakont budučyni Źviazu. Takim čynam, była pryznanaja nieabchodnaść reformy instytucyjnaje struktury Eŭraźviazu padčas užo raspačataha jaho pašyreńnia, a taksama mety nabližeńnia Źviazu da jahonych hramadzianaŭ. Laekenskaja Deklaracyja zaklikała da niebchodnaści pryniaćcia kanvencyi z metaj lepšaje padrychtoŭki hleby dla dziaržavaŭ-udzielnicaŭ dziela pryniaćcia imi rašeńniaŭ padčas mižuradavaje kanferencyi. Jana vyznačyła 4 admysłovyja sfery dziejańnia Kanvencyi:

• lepšaje, jasnaje vyznačeńnie kampetencyi Eŭraźviazu;
• spraščeńnie pravavych instrumentaŭ Źviazu;
• bolšaja stupień demakratyi, adkrytaści j efektyŭnaści;
• mahčymaja patreba ŭ Kanstytucyi dla EŹ.

Ź lutaha 2002 napraciahu amal 1.5 hadoŭ doŭžylisia vostryja j napružanyja debaty pamiž delehacyjami ad tahačasnych 15 dziaržavaŭ-udzielnicaŭ i 10 krainaŭ-kandydatak, a taksama ad Baŭharyi, Rumynii j Turcyi, siabrami nacyjanalnych parlamantaŭ j Eŭraparlamantu dy šyrokim palityčnym spektram udzielnikaŭ. Ich vynikam stałasia stvareńnie prajektu Damovy, jakaja zaćviardžaje Kanstytucyju Eŭropy. U červieni 2003 ŭ hreckich Sałonikach było dasiahnutaje pahadnieńnie ab mižuradavaj kanferencyju, pryśviečanaj prajektu Kanstutucyi. Ciaham daŭhich j składanych debataŭ 18 červienia 2004 ŭ Bruseli kiraŭniki krainaŭ Eŭraźviazu ŭrešcie dasiahnuli pahadnieńnia nakont prajektu Damovy, jakaja zaćviardžaje Kanstytucyju Eŭropy. Paśla hetaha źjavilisia kansalidavanyja versyi Damovy, Pratakołaŭ i Deklaracyjaŭ. Pradstaŭniki ad kažnaje dziaržavy-ŭdzielnicy detalova praviarali prajekt Kanstytucyi razam z praŭnymi ekspertami j linhvistami (tak zvanyja jurysty-linhvisty), kab upeŭnicca ŭ dakładnaści jejnaha źmiestu j techničnaj karektnaści. Tolki paśla hetaha prajekt Kanstytucyji, jaki składajecca z bolej čymsia 200 staronak, pačali pierakładać na ŭsie aficyjnyja movy EŹ.

Kanstytucyja stvaryła b u EŹ pasadu prezydenta, jaki vykonvaje svaje paŭnamoctvy ciaham 2,5 hadovaha terminu. Hetaje pałažeńnie źmianiła b ciapierašniuju systemu ratacyi staršyniaŭ Eŭraźviazu. Dahetul imi byli kiraŭniki ŭradaŭ dziaržavaŭ-udzielnicaŭ, jakija źmianiali adzin adnoha kažnyja 6 miesiacaŭ. Prajekt prapanoŭvaŭ taksama pasadu adzinaha ministra zamiežnych spravaŭ Eŭropy (zaraz hetaja pasada padzielenaja pamiž dźviuma asobami).

Adnak šerah sprečkaŭ nakont paŭnamoctvaŭ EŹ, a taksama balansu ŭładaŭ u miežach Źviazu mahli stacca surjoznaj pahrozaju naahuł dla pahadnieńnia nakont kančatkovaha varyjantu tekstu. Adnym z takich sprečnych punktaŭ stałasia pytańnie hałasavańnia kvalifikavanaj bolšaściu. Šmat rašeńniaŭ u EŹ i zaraz prymajucca akurat kvalifikavanaj bolšaściu. Adnak taja systema, što siańnia prymianiajecca, jość nadta składanaj j daje ščodryja pravy siarednim krainam, takim jak Polšča ci Hišpanija, jakija majuć amal takuju-ž vahu jak Niamieččyna pry amal udvaja mienšaj kolkaści nasielnictva. Zhodna z systemaj, prapanavanaj u prajekcie, rašeńnie prymałasia b, kali jano atrymała padtrymku prynamsi 15 krainaŭ z kolkaściu nasielnictva prynamsi ŭ 65% ad adhulnaha nasielnictva Źviazu.

Napeŭna bolš źmiastoŭnym było nie samoje pytańnie paniatku kvalifikavanaje bolšaści, a pytańnie jejnaha prymianieńnia. Pa niekatorych istotnych pytańniach zamiest pryniaćcia zakonu kvalifikavanaj bolšaściu, kažnaja dziaržava-ŭdzielnica mieła b prava veto. Pieršapačatkova stvaralniki Kanstytucyi mieli namier vyrašać zhadanyja pytańni kvalivikavanaj bolšaściu, ale Vialikaja Brytanija nastojliva abaraniała zachavańnie svajho prava veto pa takich klučavych aspektach, jak abarona, zamiežnyja spravy, padatki j sacyjalnaja biaśpieka. Brytanija taksama paśpiachova damahłasia taho, što Chartyja Asnoŭnych Pravoŭ, jakaja była dadadzienaja da Kanstytucyi, vykarystoŭvałasia b dla źmienaŭ u brytanskim pracoŭnym pravie, jakoje jość najliberalniejšym u Eŭropie.

Inšyja sprečnyja pytańni byli raźviazanyja biez padobnaje varožaści. Niderlandy žadali, kab Eŭrakamisii było dadziena prava kantralavać pakt “stabilnaści j raźvićcia zony eŭra”. Ale hetaja ideja sustreła mocny supraciŭ Francyi j Niamieččyny, jakija jość stałymi parušalnikami zhadanaha paktu. Kampramisam u prajekcie stałasia rašeńnie nakont taho, što Kamisija vyznačała b kali deficyt jość praźmierny, adnak kančatkovaje rašeńnie nakont prymusovych zachadaŭ prymali b mienavita dziaržavy-ŭdzielnicy.

Nakont pytańnia, ci mieli b u tekscie Kanstytucyi zhadvacca Chryścijanskaja spadčyna Eŭropy j Boh, katalickija krainy (asabliva Polšča) sastupili hrupie "sekularystaŭ" na čale z Francyjaj. Tamu miejsca dla chryścijanskaje spadčyny kantynentu ŭ tekscie prajektu tak i nie znajšłosia.

Vymohi dla ratyfikacyi prajektu.

Nasamreč, najciažejšy peryjad dla Kanstytucyi pačaŭsia naturalna paśla jejnaha padpisańnia. Jana b nabyła moc adno paśla ratyfikacyi adnahałosna ŭsimi 25 dziaržavami-ŭdzielnicami. Artykuł IV-8 prajektu praduhledžvaje, što ŭ vypadku, kali ŭsie dziaržavy-ŭdzielnicy ratyfikujuć jaje da 1 listapada 2006, hetaja data jość najraniejšaj, kali Kanstytucyja mahła b nabyć moc. Kali b hetaha nie adbyłosia, Kanstytucyja b nabyvała moc praz 2 miesiacy paśla taho, jak apošniaja kraina jaje ratyfikuje. Patrabavańnie adnahałosnaha pryniaćcia Kanstytucyi abaraniała paasobnyja dziaržavy-ŭdzielnicy ad palityčnaha koštu być adkaznymi za niepryniaćcie dakumentu. Zamiest hetaha jany b zdoleli vykarystouvać svajo prava hołasu jak srodak prasoŭvańnia nacyjanalnych intaresaŭ.

Kanstytucyja mieła być ratyfikavanaja ŭ adpaviednaści z patrabavańniami nacyjanalnych kanstytucyjaŭ (Artykuł IV-8, CONV 86/04) ci šlacham kanstytucyjnaje reformy. Nastupnaja tablica dazvalaje ŭbačyć, jak pytańnie ratyfikacyi vyrašajecca ŭ paasobnych krainach:

Tablica 1. Pracedury Parlamanckaje Ratyfikacyi ŭ dziaržavach-udzielnicach EŹ.

Dziaržava	Parlamanckaja Ratyfikacyja
Aŭstryja	Prostaja bolšaść Kanhresu (i Senatu – kali pytańnie naležyć da jaho kampetencyi) z dźviuch tracinaŭ Kanhresu (i Senatu, jak zhadana vyšej), kali pieradača paŭnamoctvaŭ vymahaje Kanstytucyjnaje reformy (Artykuły 50, 42 i 44).
Belhija	Damovy, jakija zakranajuć pravy hramadzianaŭ musiać zaćviardžacca abiedźviuma Pałatami. Kali jany zakranajuć kampetencyju rehijonaŭ, Rady abodvuch musiać taksama uchvalić damovu (Artykuł 163).
Kipr	Prymajecca Kabinetam i zaćviardžajecca Pałataj Pradstaŭnikoŭ (Artykuł 169).
Čechija	Zaćviardžeńnie bolšaściu z troch piatych Kanhresu j Senatu (Artykuły 10 i 39).
Danija	Zaćviardžeńnie bolšaściu z piacioch šostych, inakš referendum (Artykuły 20 i 42).
Estonija	Prostaja bolšaść dy inšyja pracedury (Artykuły 120 i 121).
Finlandyja	Zakonam. Prostaja bolšaść ci bolšaść z dźviuch tracinaŭ, kali pytańnie zakranaje Kanstytucyju (Artykuł 94).
Francyja	Zakonam (Artykuły 52-55 i 88). Referendum moza inicyjavać Prezydent (Artykuł 11).
Niamieččyna	Zakonam. Bolšaść z dźviuch tracinaŭ Bundestagu j dźviuch tracinaŭ Bundesratu (Artykuły 23 i 79).
Hrecyja	Zakonam. Bolšaść z troch piatych (Artykuł 28)
Vuhorščyna	Bolšaściu z dźviuch tracinaŭ abiedźviuch Pałataŭ (Artykuł 2a).
Irlandyja	Niama admysłovaje pracedury. Kožnaja reforma EŹ vymahaje paralelnaje reformy Kanstytucyi šłacham referendumu (Artykuły 29, 46 i 47).
Italija	Ratyfikacyja dźviuma Pałatami Parlamantu; biez referendumu (Artykuły 80 i 75).
Łatvija	Parlamanckaja Ratyfikacyja, ale ź inicyjatyvy pałovy siabroŭ Parlamantu musić być pryznačany referendum (Artykuł 68).
Letuva	Parlamanckaja Ratyfikacyja; referndum abviaščajecca, kali damova zakranaje hałoŭnyja aspekty žyćcia letuvisaŭ (Artykuły 135,1 i 5).
Luksemburh	Zakonam, jaki ŭchvaleny dźviuma tracinami siabroŭ Parlamantu (Artykuły 37, 49 i 114).
Malta	Kanstytucyjnych praviłaŭ niama, akramia vypadkaŭ, kali ratyfikacyja vymahaje źmienaŭ u Kanstytucyi.
Niderlandy	Dźviuma tracinami parlamanckaje bolšaści (Artykuł 91)
Polšča	Na padstavie parlamanckaje pracedury, umovy jakoje zaćviardžajucca inšym aktam Parlamantu (Artykuł 90).
Partuhalija	Parlamanckaja bolšaść (Artykuł 161)
Słavaččyna	Bolšaść z troch piatych (Artykuły 7 i 84).
Słavienija	Bolšaść z troch piatych (Artykuły 3 i 8).
Hišpanija	Absalutnaja bolšaść siabroŭ abiedźviuch Pałataŭ (Artykuł 93).
Švecyja	Zaćvierdžańnie tryma čverciami siabroŭ Riksdagu (Artykuł 10.5).
Złučanaje Karaleŭstva	Parlamanckaja bolšaść

Krynica: http://www.uc3m.es/uc3m/inst/MGP/NCR/portada.htm

Hladziecie taksama: http://www.realinstitutoelcano.org/analisis/570.asp

http://www.european-referendum.org/materials/di/refsum.pdf

Z nastupnaje tablicy možna pabačyć, jakija referendumy pravodzilisia ŭ krainach Eŭraźviazu, a taksama ich vyniki.

Tablica 2. Referendumy ŭ Eŭrapiejskim Źviazie.

Dziaržava	Referendum nakont Kanstytucyi	Raniejšyja referendumy na temu EŹ	Vyniki
Aŭstryja	Nia vyrašana	Dałučeńnie (1994)	Tak 66%; Nie 33%
Belhija	Tak	Nie	-
Kipr	Peŭna nie	Nie*	-
Čechija	Nia vyrašana	Dałučeńnie (2003)	Tak (77%); Nie (23%)
Danija	Tak	Dałučeńnie (1972)	Tak (53%); Nie (33%)
		Adziny Akt (1986)	Tak (42%); Nie (33%)
		Maastricht I (1992)	Tak (41%); Nie (42%)
		Maastricht II (1993)	Tak (49%); Nie (37%)
		Amsterdam (1998)	Tak (41%); Nie (34%)
		Eŭra (2000)	Tak (41%); Nie (46%)
Estonija	Nie	Dałučeńnie (2003)	Tak (67%); Nie (33%)
Finlandyja	Nia vyrašana	Dałučeńnie (1995)	Tak (57%); Nie (43%)
Francyja	Tak	Pašyreńnie (1972)	Tak (68%); Nie (32%)
		Maastricht (1992)	Tak (51%); Nie (49%)
Niamieččyna	Nie	Nie	-
Hrecyja	Peŭna nie	Nie	-
Vuhorščyna	Peŭna nie	Dałučeńnie (2003)	Tak (84%); Nie (16%)
Irlandyja	Tak	Dałučeńnie (1972)
		Adziny Akt (1987)
		Maastricht (1992)
		Amsterdam (1998)	Tak (94%); Nie (6%)
		Nicca I (2001)	Tak (46%); Nie (54%)
		Nicca II (2002)	Tak (63%); Nie (37%)
Italija	Nie	Kanstytucyjny mandat dla Eŭraparlamantu (1989)	Tak (88%); Nie (14%)
Łatvija	Nie	Dałučeńnie (2003)	Tak (67%); Nie (33%)
Letuva	Nie	Dałučeńnie (2003)	Tak (91%); Nie (9%)
Luksemburh	Tak	Nie	-
Malta	Nie	Dałučeńnie (2003)	Tak (54%); Nie 46%
Niderlandy	Tak	Nie	-
Polšča	Peŭna nie	Dałučeńnie (2003)	Tak (77%); Nie (23%)
Partuhalija	Tak	Nie	-
Słavaččyna	Peŭna nie	Dałučeńnie (2003)	Tak (94%); Nie (3%)
Słavienija	Peŭna tak	Dałučeńnie (2003)	Tak (66%); Nie (34%)
Hišpanija	Tak	Nie	-
Švecyja	Nie	Dałučeńnie (1994)	Tak (52%); Nie (47%)
		Eŭra (2003)	Tak (42%); Nie (56%)
Złučanaje Karaleŭstva	Tak	Dałučeńnie (1975)	Tak (67%); Nie (33%)

(*) Referendum 24 krasavika 2004 na Kipry tyčyŭsia pytańnia ŭźjadnańnia vyspy.

Krynicy: Roznyja.

Hladziecie taksama: http://www.realinstitutoelcano.org/analisis/570.asp

Praces ratyfikacyi: što dalej?

Hłybinia j składanaść praceduraŭ i umovaŭ u roznych krainach EŹ stałasia realnaj mahčymaściu dla surjoznych pieraškodaŭ dla ratyfikacyi ŭsimi 25 dziaržavami-ŭdzielnicami j, takim čynam, moža naahul nadta zamarudzić praces intehracyi. Adpaviedna ŭźnikaje šerah pytańniaŭ: ci jość adnahałosnaja ratyfikacyja Kanstytucyi ŭsimi 25 dziaržavami-ŭdzielnicami realnaju metaj? i ci nia lepiej bylo-b zrabić u prajekcie Kanstytucyi šerah jakasnych źmienaŭ, kab potym vyrašyć jejny los šlacham ahulnaha hałasavańnia?

Pytańnie, kolki krainaŭ EŹ ratyfikujuć da 1 listapada 2006 kanstytucyju, maje dla jejnych prychilnikaŭ, badaj, hałoŭnaje značeńnie. Zhodna z deklaracyjaj, što była dałučanaja da kanstytucyi, kali na toj čas jaje ratyfikujuć 20 z 25 krainaŭ, EŹ musić vyrašyć, jak pastupić z tymi krainami, što jaje nie ratyfikavali. Vyhladaje na toje, što "skieptykaŭ" zmusiać da pierahałasavańnia, adnak, naprykład, u vypadku Francyi, heta padajecca niemažlivym prynamsi da parlamenckich i prezydenckich vybaraŭ uviesnu 2007, paśla jakich novy kiraŭnik dziaržavy vyrašyć nakont paŭtornaha referendumu. U lubym vypadku, adnak, z peŭnaściu možna skazać, što kanstytucyja nia ŭvojdzie ŭ žyćcio ŭvosień 2006. Kali heta adbudziecca, to najraniej hod ci dva paźniej za zhadany termin. Pokul ža budzie dziejničać Nickaja damova.

Praces ratyfikacyi parlamantami nia mieŭ šmatlikich składanaściaŭ ani ŭ starych, a ni ŭ novych dziaržavach-čalcoch EŹ. Da Francyi 9 krainaŭ ratyfikavali kanstytucyju, 8 ź jakich praz parlamenckija pracedury. Pieršaj krainaj, jakaja ratyfikavała eŭrakanstytucyju, była Letuva. Heta adbyłosia 10 śniežnia 2004 r., kali 84 deputaty prahałasavali za, i tolki 4 suprać. Naprykład, Parlament Italii kančatkova ratyfikavaŭ kanstytucyju 6 krasavika. U vierchniaj pałacie parlamentu za ratyfikacyju prahałasavała 217 senataraŭ, a suprać tolki 26, a ŭ pałacie pradstaŭnikoŭ 436 pasły prahałasavali za kanstytucyju, 28 suprać, a jašče 5 ustrymalisia.

Što da ratyfikacyi praz referendumy, hety praces jość našmat bolš składaniejšym. Nasamreč isnuje dumka, vykazanaja „Süddeutsche Zeitung“ što vynosić na hałasavańnie praz referendum hruvastki tekst, što składajecca z prykładna 500 bačynaŭ i jaki, naturalna, mała chto pračytaŭ, było absurdam.

Praces ratyfikacyi kanstytucyi na referendumach raspačała Hišpanija. Tamtejšy referendum adbyŭsia jašče ŭ lutym i vyznačaŭsia nizkaj frekvencyjaj vybarcaŭ. Da vybarčych dzialnicaŭ pryjšli tolki 42,32% (minimalnaj kolkaści vybarcaŭ dla sapraŭdnaści referendumu nie było), 76,73% ź jakich padtrymali kanstytucyju, 17,2% prahałasavali suprać, a jašče amal 6 adsotkaŭ pakinuli biuleteni pustymi. I praviačaja partyja, i apazycyja zaklikali da pryniaćcia kanstytucyi, u toj čas jak aŭtanamisty i separatysty z Katalonii i Krainy Baskaŭ hałasavali suprać.

U Francyi sprečka nakont kanstytucyi stałasia faktyčna sprečkaj pra miejsca krainy ŭ abjadnanaj Eŭropie. Francuzy adrynuli prajekt kanstytucyi EŹ. Pavodle aficyjnych dadzienych, u referendumie 29 traŭnia ŭziali ŭdzieł ažno 69,9% vybarcaŭ, ź jakich tolki 45,13% byli za, u toj čas jak 54,87% prahałasavali suprać. "Nie" kanstytucyi skazali sacyjalisty, Nacyjanalny Front, zialonyja, farmary, antyhlabalisty i nastaŭniki. Siarod pryčynaŭ takoha vyniku varta zhadać niedavier da palityki kirujučych kołaŭ i zaniepakojenaść paharšeńniem umovaŭ žyćcia. Akramia taho, referendum staŭsia pratestam suprać pašyreńnia EŹ i planavanaha pryniaćcia Tureččyny. Francuzy chočuć źmienaŭ palityki EŹ na mienš volnarynkavuju. Akramia taho isnuje niepakoj nakont taho, što nacyjanalnaja ekanomika nia vytrymaje kankurencyi z novymi krainami-čalcami. Dla levicy istotnym było toje što kanstytucyja nie harantuje abarony ad pieranosu fabrykaŭ z Francyi, naprykład, u Łatviju ci Polšču.

Praz 3 dni paśla francuskaha "nie" Eŭropu čakaŭ jašče bolšy ŭdar. Pry frekvencyi 63,38% ažno 61,6% halandzkich vybarcaŭ adrynuli prajekt kanstytucyi EŹ. Pry hetym tołki 38,4% vykazalisia za.

Padobna da francuzaŭ, halandcy prahałasavali suprać padvyšeńnia koštu žyćcia, biespracoŭja, pašyreńnia EŹ i bruselskich biurakrataŭ. Ale byli i adroźnieńni. Naprykład, halandcy nie pryniali ŭłasna ideju kanstytucyi. Šmat chto ź ich vykazaŭsia tym samym suprać stvareńnia eŭrapiejskaj superdziaržavy z daminacyjaj Bruselu. Što da źmiestu kanstytucyi, halandzcy ŭ adroźnieńni ad francuzaŭ uśvidomlivajuć, što prajekt nie spryjaje reformam, u toj čas jak francuzy ličać jaho zanadta liberalnym. Značnaja častka abyvatelaŭ Halandyi prahałasavali suprać pašyreńnia EŹ, a mienavita planavanaha pryniaćcia Tureččyny, što na ichnuju dumku zbolšyć kolkaść emihrantaŭ. Paśla zabojstva režysera Tea van Hoha stasunki pamiž halandcami i musulmanskimi emihrantami ŭ krainie zastajucca napružanymi. Častka žycharoŭ krainy svaim "nie" zapratestavała suprać palityčnaj sytuacyi ŭ Halandyi. Faktyčna praz hety pratest jany pytalisia: što adbyvajecca z halandzkaj niezaležnaściu i tojesnaściu. To bok padčas halandzkaha referendumu viałosia najpierš pra chutkaść i napramak raźvićcia EŹ.

U adkaz na vyniki referendumaŭ u Francyi i Niderlandach kiraŭnik Eŭrakamisii Ch. M. Barosa zaklikaŭ inšyja krainy nie spyniać pracesu ratyfikacyi prajektu kanstytucyi.

Čarhovy i pokul apošni na hety čas referendum adbyŭsia 10 lipienia ŭ Luksemburzie, dzie za prajekt eŭrakanstytucyi vykazalisia 56,5% z prykładna 230 tysiačaŭ vybacaŭ. Suprać prahałasavali 43,3%. Takim čynam, Luksemburh staŭsia 13 dziaržavaj, jakaja ratyfikavała kanstytucyju. Adnak, naŭrad vynik referendumu ŭ Luksemburhu štości źmienić, niezvažajučy na aptymistyčnyja słovy spadara Barroso nakont taho, što eŭrakanstytucyja paspryjaje zbudavać bolš demakratyčnuju Eŭropu. Na siońniašni dzień nie planujecca žadnych referendumaŭ nakont eŭrapiejskaj kanstytucyi. Naprykład, Partuhalija adkłała referendum nakont eŭrakanstytucyi, jaki mieŭ adbycca ŭ kastryčniku.

___________________

Часопіс “Праўнік” рэкамэндуе Вам наступную падборку падставовых тэкстаў, якія зьмяшчаюць інфармацыю пра актуальнае сягоньня пытаньне Канстытуцыі ЭЗ:

http://www.ex.ac.uk/law/resources/Draft%20constitution%20of%20the%20EU.doc

Бібліяграфія наступных Он-ляйн рэсурсаў складзена сп. Патрыкам Овэры

Тэксты

Draft treaty establishing a constitution for Europe submitted to the European Council meeting in Thessaloniki, 20 June 2003 European Convention. Luxembourg: OOPEC, 2003. Also published in the Official Journal, C169, 18 July 2003 online (105 pages) at

http://europa.eu.int/eur-lex/en/archive/2003/c_16920030718en.html

Official text on the Convention site at

http://european-convention.eu.int/docs/Treaty/cv00850.en03.pdf

(this version is 268 pages long)

Proposed amendments at

http://european-convention.eu.int/amendemTrait.asp?lang=EN

Statewatch text with comments at

http://www.statewatch.org/news/2003/may/19conv.htm

Annotated text by Steve Peers

http://www.statewatch.org/news/2003/aug/constitution.htm

Statewatch Observatory on EU constitution

http://www.statewatch.org/euconstitution.htm

"Reader-friendly"version of the text (77 pages) by Jens-Peter Bonde MEP at

http://www.euabc.com/upload/pdf/draft/rf_constitution_en.pdf

Europa has just added a new page on Institutional Affairs to its Activities section. It links to the most useful official sites on the Commission, Council and Parliament and also gives extensive information about the new Constitutional Treaty, including press packs.

http://europa.eu.int/pol/inst/index_en.htm

Камэнтары: эўрапейскія інстытуцыі

A Constitution for the Union: opinion of the Commission, pursuant to Article 48 of the Treaty on European Union, on the Conference of representatives of the Member States' governments convened to revise the Treaties (COM(2003) 548

http://europa.eu.int/eur-lex/en/com/pdf/2003/com2003_0548en01.pdf

European Parliament guide to the draft treaty (UK Office)

http://www.europarl.org.uk/conventionFOE/FOEmain.htm

European Parliament Background information (19-09-2003)

Summary of the draft Constitution adopted by the Convention (in TRC)

http://www.europarl.eu.int/press/index_publi_en.htm

Draft constitution: citizen’s guide

http://europa.eu.int/futurum/comm/documents/guidecitoyen_en.pdf

An archive of contributions to the Convention debate from academics, think-tanks etc. is at http://europa.eu.int/futurum/conothacad_en.htm

Камэнтары: брытанскі ўрад

"A Constitutional Treaty for the EU", a White Paper, published on 9 September.

Cm.5934 http://www.fco.gov.uk/Files/kfile/FoE_IGC_Paper_cm5934_sm,0.pdf

House of Lords: Select Committee on the European Union

35th report The future of Europe: progress report on the draft constitutional treaty and the IGC

41st report The Future of Europe - The Convention's Draft Constitutional Treaty

http://www.parliament.the-stationery-office.co.uk/pa/ld/ldeucom.htm

The draft treaty establishing a European constitution: technical and constitutional issues in Parts I and IV (House of Commons Library research papers 03/60) (in TRC)

http://www.parliament.uk/commons/lib/research/rp2003/rp03-060.pdf

Parts II and III (House of Commons Library research papers 03/58)

http://www.parliament.uk/commons/lib/research/rp2003/rp03-058.pdf

Камэнтары: францускі ўрад

The French Senate has published a comprehensive collection of texts and documents (in French only) together with a detailed study of the work of the Convention and a 436-page text of the new Constitutional Treaty with a commentary comparing the text with that of previous treaties Constitution europeenne - Comparaison avec les traites en vigueur

http://www.senat.fr/europe/cig_2003/index.html

Камэнтары: іншае

The CER guide to the draft EU constitution (Centre for European reform) http://www.cer.org.uk/pdf/policybrief_constitution.pdf

The European Union Constitution (CIDEL Project) is a research bibliography on the history of the constitution and its relationship with earlier treaties.

http://www.unizar.es/euroconstitucion/Home.htm

The Draft Constitutional Treaty: an assessment (European Policy Centre)

http://www.theepc.net/Word/16-A%20constitutional%20treaty.doc

The European Constitution: bringing in the people (Initiative and Referendum Institute Europe)

http://www.iri-europe.org/documents/euro_const.pdf

IGC watch on EUObserver.com

http://www.euobserver.com/index.phtml?preview=true&aid=12963&previewKey=a07fa76637

Summary of the draft Constitutional Treaty for the EU (Ireland, National Forum for Europe) (64 pages) click on Resource Centre

http://www.forumoneurope.ie/

Team: the European alliance of EU-critical movements

http://www.teameurope.info/

has a number of articles on the constitution, including A critical analysis of the new EU draft constitution/ by Anthony Coughlan

http://www.teameurope.info/wp-analysisconstitution.nr10.pdf

Baldwin, Richard: Decision-making and the Constitutional Treaty: will the IGC discard Giscard?

http://www.const.sns.se/europa/baldwin.pdf

Church, Clive: Implementing the new Constitutional Treaty: a provisional introduction

http://www.fedtrust.co.uk/uploads/constitution/11_03.pdf

Devuyst, Youri: EU Decision-making after the Treaty establishing a Constitution for Europe. (European Policy papers, no.9), July 2004.

http://aei.pitt.edu/archive/00001939/

Duke, Simon: The Convention, the draft constitution and external relations: Effects and Implications for the EU and its International Role. EIPA Working Paper 03/W/02.

http://aei.pitt.edu/archive/00001621/01/2003w02.pdf

Hofmann, Herwig C.H: A Critical Analysis of the new Typology of Acts in the Draft Treaty Establishing a Constitution for Europe

http://eiop.or.at/eiop/pdf/2003-009.pdf

Shaw, Jo: What’s in a Convention? Process and substance in the project of European constitution-building. IHS Political Science Series: 2003, No. 89.

http://aei.pitt.edu/archive/00000747/01/pw_89.pdf

Патрык Овэры.

Перагледжана й пашэрана ў кастрычніку 2004 г.

_______________________________________

Krynicy:

http://www.realinstitutoelcano.org/analisis/570.asp

http://www.economist.com/agenda/displayStory.cfm?story_id=2783543

http://edition.cnn.com/2004/WORLD/europe/10/29/eu.constitution/

http://www.ex.ac.uk/law/resources/Draft%20constitution%20of%20the%20EU.doc

http://www.fco.gov.uk/servlet/Front?pagename=OpenMarket/Xcelerate/ShowPage&c=Page&cid=1007029392727

http://www.fco.gov.uk/servlet/Front?pagename=OpenMarket/Xcelerate/ShowPage&c=Page&cid=1091037618592

http://serwisy.gazeta.pl/swiat/1,34213,2744338.html

http://serwisy.gazeta.pl/swiat/1,34235,2813540.html

_____________________________________